लूका 13:17 - थुलुङ राई

¹⁷ गुमीका आरे र्‍वाम्‍डिम थो़म्‍डिमा उनी कोर्थो़लाम बक्‍पा मु़चु़मिमकाम क्रो़म लु़डा। लावो गुमीका हेल्‍लो वो मेल्‍वाम्‍मा खारीमिम बेम्‍डिम ल्‍वाम्‍डिमा मु़चु़मिम ने गेर्सिद्‌वाम्‍डी।

लूका 13:17 Referans Kwoze

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

२ तिमोथी 3:9

लावो ओर्मिमका हेल्‍लो लोवो आरे बोमुम बुमु मेचाम्‍मी। हेङालोने यान्‍नेस नुङ याम्‍ब्रेसकाम होप्‍मामङा मेर्मिमका नेप्‍ची मान्‍थि बोमिमिम खारी खोत्‍लेका ल्‍वामी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

लूका 20:40

मेकोतिमा सु़का वो गुमीलाई आथावो कोङनिम ल्‍वा हिलाबोमु ङिम्‍डी।

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

लूका 18:43

मेकोतिलोङा गुका उ मिक्‍सीका ल्‍वास्‍ल्‍याड्‌डु़, मा माम्‍चु़नीकु नङ कोक्‍तो येशूकु चङचङ लाम्‍दीडा। ओराम ल्‍वाम्‍डिमा खोत्‍ले मु़चु़मिमका वो माम्‍चु़नीकु नङ कोम्‍डी।

लूका 14:6

मेर्मिमका ओराम ल्‍वाकु दुथाम हाम वो र्‍वामु मेचाप्‍मिवा।

तीतस 2:8

मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।