लूका 13:14 - थुलुङ राई

¹⁴ लावो मेराम मेसेमलाई येशूका ङेम्‍सिमुनेम सबेट्‌मिडिमका घ्रो़म्‍दी नेमडाम ङाउकु छोक्‍चो बक्‍ता। मेम्‍मा गुका मे मु़चु़मिमलाई र्‍वाक्‍ता, “हप्‍ताका खारी बेपा रुलेम बु। ओ रुलेमगोडा रोक्‍नीमा सनी। ङेम्‍सिमु नेम ने मेएँ सो़।”

लूका 13:14 Referans Kwoze

मत्ती 12:2

लावो फरिसीमिमका ओराम ल्‍वाम्‍डिमा येशूनुङ र्‍वाम्‍डी, “रेप्‍नी, डु़म्‍लाका ङेम्‍सिमुनेम मेबेनी र्‍वाक्‍ताम खारी इनी सीसिपामिमका बोमिम बुमी।”

लूका 6:7

येशूका मेराम मु़चु़लाई सबेट्‌मिडी माला ङेम्‍सिमुनेम खारी बेसी मेनु़पाकु दुथाम उनी बुइडला उन्‍मु लागि यहूदीमिमकु डु़म्‍ला सीपा पातु़म्‍रीमिम नुङ फरिसीमिमका चो़पा बेम्‍थाम्‍डिम बाइडा।

लूका 8:41

घ्रो़म्‍दीनेमगोडाम याइरस र्‍वाक्‍मा कोले ङाउ रोक्‍तामा येशूकु खेल चु़म्‍तो, “आमा नेमडा रोक्‍नी” र्‍वाक्‍ताम-र्‍वाक्‍ताम ङा बु़डु़,

मर्कूस 5:22

घ्रो़म्‍दीनेमगोडाम उनी ङाउमिमगोडाम कोले याइरस र्‍वाक्‍मा मेसिन्‍डा रोक्‍ता, मा येशूलाई ल्‍वास्‍तु़लो कुम्‍स्‍तामा उनीमा खेलडा सेव साड्‌डु़।

रोमी 10:2

मेर्मिमकाम माम्‍चु़नीकु दुथाम जो़होमका सो़रलोले बेपा न बु, गो ओराम ल्‍वाकु दुथाम सो़पा बुङु। लावो हेसाका बेपा र्‍वाक्‍साका मेर्मिमका मेचमी।

थु़र्मा 18:17

मेकोतिमा मेर्मिम खोत्‍लेका घ्रो़म्‍दीनेमडाम ङाउ सोस्‍थेनेसलाई चु़म्‍मिडिमा अदालतकु ङादोडा ङा याल्‍मिडी। लावो गलियोनका मेराम ल्‍वाथो़ हाम वो न मेसोकु़वा।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 13:15

मोशाकु डु़म्‍ला नुङ माम्‍चु़नीलाम-जेपामिमकु खाजेम डाट्‌मिडिम चङडा घ्रो़म्‍दीनेमडाम डोक्‍पु ङाउमिमका मेर्चिपकाडा आरे र्‍वाक्‍पा सेला थु़र्मिडी, “छारीची, गाचीनुङ मु़चु़मिमकाम सो हन्‍बेट्‌पा कोङनिम सिजेम बु माला जेची।”

लूका 6:11

ओराम ल्‍वाम्‍डिमा यहूदीकु डु़म्‍ला सीपा पातु़म्‍रीमिम नुङ फरिसीमिमकाम छो़म उनी छोक्‍चो बक्‍ता, मा येशूलाई हे बिइ र्‍वाक्‍साका उनी त्‍वाप-त्‍वापडा र्‍वाबोमु चो़म्‍मिडी।