लूका 13:13 - थुलुङ राई

¹³ मेकोतिमा गुमीका मेराम मेसेमडला उनी ल्‍वा जु़ल्‍मिडी, मा मेकोतिलोङा उ चङ थो़न्‍थो़न्‍या दु़स्‍तामा येम्‍स्‍ल्‍याड्‌डा। मेम्‍मा माम्‍चु़नीकु नङ कोमु चो़म्‍डु़।

लूका 13:13 Referans Kwoze

मर्कूस 16:18

मेर्मिमका ब्‍लो जेन्‍मी, मा ङे ङा पोमी-डुमी लावो मेर्मिम हाम वो मेदु़म्‍मी। मेर्मिमका नो़पामिमडला उनी ल्‍वा जु़ल्‍मी, मा नो़पामिम वो सम्‍ल्‍याट्‌मी।”

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

मर्कूस 8:25

मेकोतिमा गुमीका आथावो मेरामकु मिक्‍सीडा उनी ल्‍वा जु़ल्‍मिडी, मा मेरामका रेप्‍डु़म-रेप्‍डु़मङा बु़डु़। मेम्‍मा मेरामकु मिक्‍सी ङादोम होप्‍मामङा दु़स्‍ल्‍याड्‌डा, मा खोत्‍लेमथोक जो़होमका ल्‍वापा दु़स्‍ता।

मर्कूस 6:5

गुमीका मेसिन्‍डा कोङ-कोङ नो़पामिमडला ल्‍वा जु़ल्‍साका सबेट्‌मिडिमडाम वाङमी यु़म-खारी हाम वो बोमु मेचाप्‍मिवा।

लूका 4:40

नेम गाम्‍डाम चङडा हापा खाल-खालकाम सोमोरीका नो़पा खोत्‍लेलाई मु़चु़मिमका येशूकाडा रेट्‌मिडी। गुमीका मेर्मिमडला उनी ल्‍वा जु़ल्‍मिडिमा खोत्‍लेलाई सबेट्‌मिडी।

थु़र्मा 9:17

मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”

लूका 18:43

मेकोतिलोङा गुका उ मिक्‍सीका ल्‍वास्‍ल्‍याड्‌डु़, मा माम्‍चु़नीकु नङ कोक्‍तो येशूकु चङचङ लाम्‍दीडा। ओराम ल्‍वाम्‍डिमा खोत्‍ले मु़चु़मिमका वो माम्‍चु़नीकु नङ कोम्‍डी।

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

लूका 13:12

येशूका मेराम मेसेमलाई ल्‍वाम्‍डी, मा येट्‌मिडिमा र्‍वाम्‍डी, “तोङमा, गाना इ सोमोरीलामका सेल्‍सिट्‌नाम बु।”