लूका 13:12 - थुलुङ राई

¹² येशूका मेराम मेसेमलाई ल्‍वाम्‍डी, मा येट्‌मिडिमा र्‍वाम्‍डी, “तोङमा, गाना इ सोमोरीलामका सेल्‍सिट्‌नाम बु।”

लूका 13:12 Referans Kwoze

मत्ती 8:16

नेम्‍था दु़स्‍तालो मु़चु़मिमका मुनाङका हुपा हापा मु़चु़लाई येशूकाडा रेट्‌मिडी। मेम्‍मा गुमी जेम्‍डिमा मे मुनाङमिमलाई कोल्‍मिडी, मा नो़पा मु़चु़मिम खोत्‍लेलाई सबेट्‌मिडी।

लूका 13:16

अब्राहामकु चो़-चु़सु़मिमगोडाम ओराम मेसेमलाई को-लेत (१८) थसम्‍म शैतानका बथाड्‌डु़म बाइडा। शैतानका बथाड्‌डु़मलाम गु ङेम्‍सिमुनेम फ्‍वासिड्‌डाम हाम मेजो़पा दु़स्‍ता?”

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

लूका 13:11

मेसिन्‍डा कोले मेसेम बाइडा। मेराम मेसेमलाई मुनाङ पेलका हुप्‍डु़म को-लेत (१८) थ दु़स्‍ताम बाइडा, मा उ सो मान्‍थिम बाइडा। मेराम मेसेमकु उ चङ नो़र्स्ताम बाइडा। मेम्‍मा उ त्‍वापङा थो़न्‍थो़न्‍या दु़म्‍मु मेचापा बाइडा।

लूका 13:13

मेकोतिमा गुमीका मेराम मेसेमडला उनी ल्‍वा जु़ल्‍मिडी, मा मेकोतिलोङा उ चङ थो़न्‍थो़न्‍या दु़स्‍तामा येम्‍स्‍ल्‍याड्‌डा। मेम्‍मा माम्‍चु़नीकु नङ कोमु चो़म्‍डु़।