लूका 12:9 - थुलुङ राई

⁹ लावो उहेमका मु़चु़मिमकु ङादोडा आमा सीसिपा मेर्‍वा, माम्‍चु़नीका पाह्रीचो़मिमकु ङादोडा मेराम मु़चु़लाई गो आमा सीसिपा मेर्‍वाङु।

लूका 12:9 Referans Kwoze

२ तिमोथी 2:12

गुइ इम्‍डी माला, गुमीनुङङा साखाम थो़डी, गुइ गुमीलाई रमु मेबिसिडिवा माला गुमीका वो गुइलाई रमु मेबिम्‍सिमी।

लूका 9:26

कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

मत्ती 10:33

लावो उहेमका गोलाई मु़चु़मिमकु ङादोडा मेरङी, पाह्रीला आमा पापकु ङादोडा गो वो मेरामलाई आमा सीसिपा मेर्‍वाङु।

रेम्‍बेट्‌मिडिम ल्‍वा 3:8

इमा खारीमिम गो चक्‍पु। रेप्‍डा, इमा लागि गो लाम्‍चोको होल्‍साट्‌निम बु, मेराम सु़का वो ख्‍लु़न्‍मु मेचाम्‍मी। गानानुङ कि-कि यु़म बु मेम मावो आमा सिजेम होङङा गाना लाम्‍दिन्‍नाम बु मा गाना थो़रलु़इमिम दु़म्‍नाम बु।

मत्ती 7:23

गो मेर्मिमलाई र्‍वाङु, ‘गो गानीलाई हेल्‍लो वो छेट्‌निनिमङा मिबु। माम्‍चु़नीकु न होम्‍साका खारी मेबेपा मु़चु़नी, आमा फार्डा मेबानी।’

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

मत्ती 25:12

“लावो लारेपाका र्‍वाक्‍ता, ‘आच्‍छाङा गो गानीलाई र्‍वाङु, गानीलाई गो मेछेनिनी।’

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 22:57

लावो पत्रुसका आरे र्‍वाक्‍तामा गो ने मेएँ र्‍वाक्‍ता, “ए तोङमा, गुमीलाई गो मेछेपुमी।”