लूका 12:48 - थुलुङ राई

⁴⁸ लावो उ नेमहपकु नड्‌डाम ल्‍वा थेसिमेथेसाका देन्‍दे ल्‍वापा खारी बेपा डु़ल्‍चो़ ने कि-कि याल्‍ला सो़सी। उहेमलाई हापा ग्‍वाम्‍डिम बु, मेरामलामका हापा ङा बिमी, मा उहेमलाई डोक्‍पु खुन्‍चु़म ग्‍वाम्‍डिम बु, मेरामकामलाम छो़म हापा ङा रपा न बोमी।

लूका 12:48 Referans Kwoze

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

यूहन्‍ना 15:22

गो मेयोङुवा, मा मेर्मिमनुङ मेर्‍वाङुवाम माला मेर्मिम उनी छु़लकु मुमा बेन्‍ला मेसो़म्‍सिप्‍मिवा। लावो आथा ने मेर्मिमका छु़ल मेबेमिवाम लिसिक्‍पा ल्‍वा मेर्मिमनुङ हाम वो मिबु।

मत्ती 13:12

हेङालोने उहेमका माम्‍चु़नीकु किब्‍दीकु दुथाम थेसिथेन्‍मु न बु़, माम्‍चु़नीका गुलाई थेसिथेन्‍बेन्‍मी, मा उमा नेप्‍ची बर्बेन्‍सामी। लावो उहेमका थेसिथेन्‍मु न मेबु़, मेरामका कि-कि थेसिथेडु़मिम वो थेसिङा मेथेट्‌पा माम्‍चु़नीका दु़म्‍बेन्‍मी।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

लूका 16:2

मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

लूका 12:41

मेकोतिमा पत्रुसका हिलाबु़डु़, “ङाचो़, हाम ओराम सीसि-सो़म्‍दी आकीमा लागि कोङङा सो़न्‍निम डे वाङमिम मु़चु़काम लागि वो?”

लूका 12:49

“सुबुडा गो मु वाबेड्‌डा योङडोम सो़, मेराम मु ने ङादोङा वाकसोकावाम माला ने नु़यावा।

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]