लूका 12:45 - थुलुङ राई

⁴⁵ लावो मेराम डु़ल्‍चो़का ‘आमा नेमहप दाला मेरोमी’ र्‍वाक्‍पा मिम्‍सीमा वाङमिम डु़ल्‍चो़-डु़ल्‍चो़मेमिमलाई याल्‍मु चो़म्‍डु़, पु़-डुङु़मा डु़का सेडु़ माला,

लूका 12:45 Referans Kwoze

रेम्‍बेट्‌मिडिम ल्‍वा 18:24

माम्‍चु़नीलाम जेपामिम सेट्‌मिडिम, माम्‍चु़नीकु मु़चु़मिम सेट्‌मिडिम नुङ सु़म्‍दिसेरडा सेट्‌मिडिम खोत्‍ले मु़चु़मिमकु दुथाममिम मेजो़पा ल्‍वा ओरामकु बुइडला उट्‌मा बाइडा।”

रेम्‍बेट्‌मिडिम ल्‍वा 16:6

हेङालोने मेर्मिमका इनीमा मु़चु़मिम नुङ गानीलाम जेपामिमकु सिसि हाट्‌मिडिम बु, मा गानी मेर्मिमलाई सिसि डुमु ग्‍वाक्‍निमी बु। मेम बोमुका घ्रेट्‌पा मेर्मिम सो़।”

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

२ पत्रुस 2:13

मेर्मिमका मेजो़पा बेम्‍डिमका मेजो़पा बेला सो़म्‍सिमी। मेर्मिमका नेम्‍फुङा मेजो़पा खारी बेसाका गेर्सिमु द्‌वामी। मेर्मिम ने घ्राम्‍लु़पा नुङ मेजो़पामिम सो़, गानीनुङ ग्रुला पेप्‍डा गन्‍मिलो छो़म पोमी-डुमिमा गेर्सिप्‍मी।

१ थेसलोनिकी 5:7

अम्‍पा मु़चु़मिम सिन्‍था अम्‍मी, डु़का सेट्‌पामिमलाई वो सिन्‍थाङा डु़का सेडु़मी।

२ कोरिन्‍थी 11:20

कोङनिम मु़चु़का गानीलाई डु़ल्‍चो़ होङङा बोनी लोवो, इनी खउलुङ पोन्‍सानी लोवो, पेरडा फिनिमी लोवो, गानीलाई डनिमी लोवो, इनी कलडा फोनिमी लोवो गानी इम्‍नी रेछा।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

मत्ती 22:6

याङका हपकु डु़ल्‍चो़मिमलाई चु़म्‍मिडिमा सेम्‍ला बेट्‌मिडी, मा मेर्मिमलाई सेट्‌मिडी।

लूका 12:44

आच्‍छाङा गो गानीलाई र्‍वाङु, मेरामलाई उ नेमहपका खोत्‍ले उ खाप्‍चीमिम रेप्‍साक्‍पा दु़म्बेडु़।

लूका 12:46

मेरामका मेमिम्‍डु़मिम थारीका नुङ मेलथाडु़मिम थारीका उ नेमहप रोफा। मेम्‍मा उ नेमहपका मेरामलाई यालु़, मा थो़रमेलु़पामिमका ल्‍वामिमिम दु़खा ल्‍वापा दु़म्बेडु़।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

यूहन्‍ना 2:10

मा र्‍वाक्‍ता, “खोत्‍ले मु़चु़मिमका ङादो भ्रपा अङ्‍गूरकु बिलाम थो़मी, मा बोच्‍चो़मिमका अङ्‍गूरकु बिलाम हापा डुमिमिम चङडा मेभ्रपा अङ्‍गूरकु बिलाम थो़मी। लावो गाना ने ओम्‍लोसम्‍म भ्रपाङा अङ्‍गूरकु बिलाम जु़ल्‍थाट्‌नाम रेछा।”

थु़र्मा 2:18

मेम्‍लोका गो आमा डु़ल्‍चो़ डु़ल्‍चु़मेमिमडला आमा पेल थु़रु़, मा मेर्मिमका माम्‍चु़नीलाम-जेमी।