लूका 12:39 - थुलुङ राई

³⁹ लावो ओराम ल्‍वा चन्‍जो़ल्‍नी, बाम थारीका खुचु़वा रो र्‍वाक्‍साका चवाम माला ने नेमकु ङाउका खुचु़वालाई नेम पिमु ङा मेग्‍वाकु़वा।

लूका 12:39 Referans Kwoze

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”

मत्ती 6:19

“इनीमा लागि ओ सुबुडा खाप्‍ची मेफुट्‌नी। आसिन्‍डा ने मे खाप्‍ची तु़मका पु़, गारका पु़, खुचु़वाका नेम पिसाका खुमी।

मत्ती 24:42

“मेम्‍मिमका चङचङया बानी, हेङालोने बामनेम इनीमा ङाचो़ यो, मेराम गानी मेचनी।