लूका 12:37 - थुलुङ राई

³⁷ उनी नेमडाम हप रोलो झो़म्‍जो़ल्‍सिट्‌पा डु़ल्‍चो़मिम आलाकाम सो़। आच्‍छाङा गो गानीलाई र्‍वाङु, मेरामका उ थ्‍वाक्‍पुरी खिम्‍सिमा मेर्मिमलाई गडु़मी, मा पोमु-डुमु ग्‍वाकु़मी।

लूका 12:37 Referans Kwoze

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

मत्ती 24:42

“मेम्‍मिमका चङचङया बानी, हेङालोने बामनेम इनीमा ङाचो़ यो, मेराम गानी मेचनी।

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

१ कोरिन्थी 2:9

लावो माम्‍चु़नीकु सिजेमडा आरेसाका र्‍याक्‍मा बु, “मिक्‍सीका मेल्‍वाम्‍मा, नोफ्‍लाका मेथो़म्‍मा, नडा मेमिम्‍मा ल्‍वा, माम्‍चु़नीका गुमीलाई रिखाम बेपामिमकाम ङादोङा चोचु़म्‍सिडिम बाइडा।”

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

रेम्‍बेट्‌मिडिम ल्‍वा 7:17

हेङालोने मे हप गन्‍खोपकु थेतेडा बाट्‌पा भेन्‍दाचो़ मेर्मिमकु रेपा-क्रिपा दु़म्‍मी, गुमीका मेर्मिमलाई नु़बेट्‌पा कु पुन्‍खोपथो़ क्रिमी। मेम्‍मा माम्‍चु़नीका मेर्मिमकु मिक्‍सीडाम खोत्‍ले प्‍ल बम्‍साट्‌मी’।”

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

फिलिप्‍पी 1:21

हेङालोने आमा लागि नु़मु र्‍वाक्‍मा ने ख्रीष्‍टकाम लागि मा सिमु मेरामडाम वो जो़पा दु़म।

लूका 17:8

हाम गुका आरे मेर्‍वा मा? ‘आमा लागि जाम खोङसाक्‍ङी, मा थ्‍वाक्‍पुरी खिम्‍सामा गो पोमु-डुमु दु़म्‍पुमिमसम्‍म आमा चापे-डुपे बे। मेम्‍मा कोङङा गाना पे-डुङा।’

लूका 12:43

नेमहप रोफालो मे डु़ल्‍चो़का मेम्साका ङा जो़पा खारी बेत्तोङा बेपा डार्फाडु़मिम डु़ल्‍चो़ आलाकाम दु़म सो़।

लूका 12:36

उनी नेमहप लालीकुन्‍दा बेम्‍डिम नेमडा ग्रुला पेसाका रोमिमसम्‍म लथाक्‍पा, मा गु रोक्‍साका हेला बु़लो लाम्‍चोको होल्‍थाक्‍पा डु़ल्‍चो़मिम होप्‍माम गानी दु़म्‍नी।

लूका 22:27

पेप्‍डा गन्‍पा नुङ चापे-डुपे बेपा मु़चु़चिपगोडा उहेम डोक्‍पु मु़चु़ दु़म? ग्रुला पेप्‍डा गन्‍पा ङा डोक्‍पु मेएँ मा? लावो इनी थेतेडा गो चापे-डुपे बेपा मु़चु़ होप्‍माम ङा बुङु।

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”