लूका 12:32 - थुलुङ राई

³² “ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

लूका 12:32 Referans Kwoze

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

रेम्‍बेट्‌मिडिम ल्‍वा 1:6

मा उनीमा पाप नुङ माम्‍चु़नीकाम किब्‍दीगोडा लाले-पाङके बोमु लागि हपकु डु़म्‍लाचो़मिम दु़म्‍बेसाड्‌डामी। खोत्‍लेडाम डोक्‍पु नुङ उनीमा यु़म हेल्‍लो लोवो बाट्‌पा ख्रीष्‍टकु नङ कोसिनु़। आमेन!

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

लूका 10:21

मेराम थारीकाङा येशूलाई माम्‍चु़नी-पेलका गेर्सिबेट्‌मिडी, मा गुमीका र्‍वाम्‍डी, “माम्‍चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्‍वानिनी, हेङालोने थेट्‌पा मु़चु़ नुङ नेप्‍चीनुङमामिमडाम थक्‍निम ल्‍वा चो़च्‍चो़ होप्‍माम मु़चु़मिमलाई रेम्‍बेट्‌नी। गानी आरे बोमु ङा जो़पा लु़न्‍नी माम्‍चु़नी।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

मत्ती 14:27

मेकोतिलोङा येशूका मेर्मिमलाई र्‍वाम्‍डी, “इनी लो़ मेदाम्‍नु़, मेङिनी, गो सो़।”

रेम्‍बेट्‌मिडिम ल्‍वा 22:5

मेसिन्‍डा आथा ने सिन्‍था मेदु़म। मेर्मिमलाई धिप्‍रीकु ओल, नेम्‍सुङकु ओल मेबासी, हेङालोने मिप्रङमा माम्‍चु़नीकाङा मेर्मिमलाई ओल ग्‍वामी। मेम्‍मा मेर्मिमका हेल्‍लो लोवो साखाम थो़मिमङा बुमी।

२ थेसलोनिकी 1:5

माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

यूहन्‍ना 18:36

येशूका र्‍वाम्‍डी, “आमा किब्‍दी ओराम सु़म्‍दिसेरडाम मेएँ। आमा किब्‍दी सु़म्‍दिसेरडाम माला ने आमा डु़ल्‍चो़मिमका आमा लागि क्‍वाल्‍बा बेमिवा, मा यहूदीमिमकु ल्‍वाडा गो मेचु़म्‍सिङुवा। लावो आमा किब्‍दी ओराम सु़म्‍दिसेरडाम मेएँ।”

मत्ती 20:16

“आरेसाका याक्‍के मु़चु़मिम दिफु डोक्‍पु दु़म्‍मी, मा डोक्‍पु मु़चु़मिम दिफु याक्‍के दु़म्‍मी।”

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।