लूका 12:31 - थुलुङ राई

³¹ मेम मेएँ माम्‍चु़नीकु किब्‍दी ङादो माल्‍नी। मेम्‍मा गानी चाहेबोनिमिम खोत्‍ले गुमीका ग्‍वानी।

लूका 12:31 Referans Kwoze

मत्ती 6:33

ङादो माम्‍चु़नीकु किब्‍दी माल्‍नी, मा उनी ङादोडा जो़पा खारी बेनी। मेम्‍मा ओर्मिम खोत्‍ले ल्‍वामिम गुमीका गानीलाई ग्‍वानी।

हिब्रू 13:5

गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

रोमी 8:31

गुइ ओराम ल्‍वाकु दुथाम हाम र्‍वामु चाप्‍सी मा? माम्‍चु़नी गुइलाम बाम्‍सिमी माला इकीमा कोर्थो़लाम सु़ बमु चाम्‍सु़?

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

लूका 12:30

माम्‍चु़नीडा थो़रमेलु़पा सु़म्‍दिसेरडाम खोत्‍ले मु़चु़मिमका कोङङा आरेसाका मिम्‍ताम-सो़र्ताम बोमी। लावो गानीलाई चाहेदु़म्‍पा ल्‍वा इनी माम्‍चु़नीका ङादोङा चमी।