लूका 12:28 - थुलुङ राई

²⁸ लावो आनेप बाट्‌पा मा उ दिकाम मुडडा घ्रु़पा क्‍वाडाम जेमलाई ने आरेसाका माम्‍चु़नीका ब्‍ल्‍वामी माला, ए याक्‍के थो़र बाट्‌पा मु़चु़नी, गानीलाई ओरामडाम हाङको हापा गुमीका ब्‍ल्‍वानिमी।

लूका 12:28 Referans Kwoze

मत्ती 14:31

येशूका दालाङा उनी ल्‍वा हम्‍मिडिमा गुलाई रो़पझेट्‌मिडी, मा र्‍वाम्‍डी, “गाना याक्‍के थो़रनुङमा मु़चु़, हेङा इमा नड्‌डा मुर्सिट्‌नाम?”

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

मत्ती 6:30

आनेप बाट्पा मा दिकाम मुडडा घ्रु़पा सो़ब्‍दी बुङमालाई ने माम्‍चु़नीका आरेसाका रेम्‍मी माला गुमीका गानीलाई आच्‍छाङा मेरेम्‍नी मा? हेङा गानी कि-कि थो़रलु़निमिम?

१ पत्रुस 1:24

माम्‍चु़नीकु सिजेमका आरे र्‍वा, “मु़चु़मिम ने जेम होप्‍मामङा, मेर्मिमकु जो़प्‍सी ने सो़ब्‍दी बुङमा होप्‍मामङा, जेम सा, मा बुङमा आल्‍ल्‍या।

लूका 8:25

येशूका मेर्मिमलाई र्‍वाम्‍डी, “गानीनुङ थो़र मिबु?” मेर्मिम ङिम्‍डिमा ङाङाया दु़म्‍तो उनी त्‍वाप-त्‍वापडा आरे र्‍वा बेम्‍डी, “गुमी हेप्‍माम मु़चु़ डे? ब्‍लोजु़ नुङ कुकु बाबारिमलाई ल्‍वाडा जु़ल्‍मी, मा मेर्मिमका वो गुमीका र्‍वामिम थो़मी रेछा!”

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

मत्ती 16:8

मेर्मिमका हिलाहिसी बेबेम्‍डिमकु दुथाम येशूका चम्‍डिमा र्‍वाम्‍डी, “याक्‍के थो़रनुङमा ए मु़चु़नी, गानीनुङ सो़बेम मिबु र्‍वानिमा हेङा इनी त्‍वाप-त्‍वापडा हिलाहिसी बेबोनिमिम?

मत्ती 8:26

येशूका मेर्मिमलाई र्‍वाम्‍डी, “याक्‍के थो़रनुङमा मु़चु़नी, गानी हेङा ङिनिमिम?” मेकोतिमा येशू बम्‍डिमा ब्‍लोजु़ नुङ कुकु बाबारिमलाई भुर्मिडी, मा छो़म पपया दु़स्‍ता।

हिब्रू 6:7

वो योमा ये-द जिडु़, मेराम ये-दका खारी बेपामिमकाम लागि जो़पा मा-के सिन्‍बेडु़, मेराम ये-दलाई माम्‍चु़नीका जि ग्‍वामी।