लूका 12:22 - थुलुङ राई

²² मेकोतिमा येशूका उनी सीसिपामिमलाई र्‍वाम्‍डी, “मेम्‍मिमका गो गानीलाई र्‍वाङु, इनी साम जु़ल्‍मु लागि हाम पेउ मा मिरो़मडा हाम फसिङु र्‍वाक्‍साका मिम्‍ताम-सो़र्ताम मेबेनी।

लूका 12:22 Referans Kwoze

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

हिब्रू 13:5

गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

१ कोरिन्थी 7:32

गानी मिम्‍ताम-सो़र्ताम मेबेसाका बानी र्‍वाक्‍पा आमा न बु। लालीकुन्‍दा मेबेपा मु़चु़का हेसाका ङाचो़ येशूलाई गेर्सीबेट्‌पा र्‍वाक्‍साका ङाचो़कु दुथामङा मिम्‍ताम-सो़र्ताम बु़।

लूका 12:29

मेम्‍मिमका हाम पोमु हाम डुमु र्‍वाक्‍साका मेमाल्‍नी, मा मिम्‍ताम-सो़र्ताम वो मेबेनी।

लूका 12:11

“मु़चु़मिमका गानीलाई चु़म्‍नीमा घ्रो़म्‍दीनेमबाडे साखामचो़मिम नुङ किब्‍दी साखामचो़मिमकामबाडे हिलाहिसी बेप्‍डा रेनिमी, मेकोतिलो गो हाम र्‍वामु, हाम सो़मु र्‍वाक्‍साका मिम्‍ताम-सो़र्ताम मेबेनी,

लूका 12:23

हेङालोने साम पोमु-डुमुडाम डोक्‍पु मा मिरो़म ये-सेमडाम डोक्‍पु सो़।