लूका 12:19 - थुलुङ राई

¹⁹ मेम्‍मा आमा नड्‍डा र्‍वाङु, “गोलाई हापा थसम्‍म लिट्‌पा मा-के नुङ खाप्‍चीमिम फुट्‌तोम बु। खेल चार्थक्‍पुमा पेउ-डुउ, मा एलेङगी बेउ”।’

लूका 12:19 Referans Kwoze

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

याकूब 5:5

सुबुडा गानी खाप्‍चीका लिट्‌पा बान्‍नी, मा इनीमा नका पु़डु़म ल्‍वामिमका गानी गेर्सिट्‌निम बु। गानी फल्‍मु लागि सो़ नु़बेन्‍सिट्‌निम हादीबारा होप्‍माम दु़म्‍निम बु।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

२ तिमोथी 3:4

ङादो जेम्‍मा होम्‍साका मेबेपा, मेमिम्‍साकाङा खारी बेपा, डोक्‍पु लिसिक्‍पा, माम्‍चु़नीलाई रिखाम मेबेसाका त्‍वाकु नसीहोम बेपा,

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

१ तिमोथी 5:6

लावो उमा नसीहोम बोम्‍बाल्‍मु लागि बु माला गु नु़सीङा सिडाम कोतिमङा दु़म।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

लूका 16:19

“कोले खाप्‍चीचो़ बाइडा। मेरामका हापा थिकाम बैजनी रङकाम हुम-ये नुङ ये-सेम फस्‍थाल्‍ला, मा पेत्तो-डुत्तो एलेङगी बेत्तो हेल्‍लो लोवो बाइथाल्‍ला।

लूका 12:18

“मेकोतिमा गुका र्‍वाक्‍ता, ‘गो आरे बेउ, याक्‍के-याक्‍केतो छेदेनेममिम फालु, मा डोक्‍पु छेदेनेम बनेबेउ, मा खोत्‍ले मा-के नुङ खाप्‍ची वो मेसिन्‍डाङा जु़लु़।