लूका 12:17 - थुलुङ राई

¹⁷ मेराम मु़चु़का उ नड्‍डा मिम्‍मु चो़म्‍डु़, ‘आमा मा-के जु़ल्‍खोप डोक्‍पु छेदेनेम गोनुङ मिबु, मेम्‍मिमका गो हाम बोमु?’

लूका 12:17 Referans Kwoze

मत्ती 5:42

गानीनुङ हाम-हुम बिपामिमलाई ग्‍वाक्‍नी, मा गानीनुङ जेर बिपामिमलाई मेग्‍वाक्‍पा न मेबेनी।

१ यूहन्‍ना 3:16

ख्रीष्‍टका उनीमा साम इकीमा लागि फ्‍याम्‍डी, मेराम गुइ मिम्‍डिलो रिखाम र्‍वाक्‍मा हाम मेराम थेसिथेडी। गुइ थो़रलु़पा वाङमिम वा-ल्‍वाकमिमकाम लागि इकीमा साम फ्‍यामु बासी।

रोमी 12:13

ङाचो़ येशू ख्रीष्‍टकु सेपा मु़चु़मिमकु खेरेलाडा ख्‍लो़नी, नेमडा रोक्‍पा बोच्‍चो़मिमकु चापे-डुपे बेनी।

थु़र्मा 16:30

मेर्चिपलाई पाखानो ख्‍लुक्‍तु़चिमा मेरामका र्‍वाक्‍ता, “ङाचो़ची, सेल्‍सिमु लागि गो हाम बोमु बासी?”

लूका 19:17

“हपका मेरामलाई र्‍वाक्‍ता, ‘छ्‌यावा! गाना छो़म जो़पा डु़ल्‍चो़, कतिकलङडाङा थो़रलु़इमिम दु़म्‍ना, को धु़म शहरडला गाना साखाम थो़पा दु़म्‍ना।’

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

लूका 16:3

“मे खाप्‍ची रेप्‍साक्‍पा मु़चु़का उ नडा मिम्‍स्‍ता, ‘गोलाई आमा नेमहपका खाप्‍ची रेपा खारीलामका ख्‍लुमु खाम्‍ङी, गो हाम बोमु? ये-दडा खारी बेसाका पोमु आ सो मिबु, बिमुमा पोमु ने क्रो़म लु़।

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

लूका 12:29

मेम्‍मिमका हाम पोमु हाम डुमु र्‍वाक्‍साका मेमाल्‍नी, मा मिम्‍ताम-सो़र्ताम वो मेबेनी।

लूका 12:22

मेकोतिमा येशूका उनी सीसिपामिमलाई र्‍वाम्‍डी, “मेम्‍मिमका गो गानीलाई र्‍वाङु, इनी साम जु़ल्‍मु लागि हाम पेउ मा मिरो़मडा हाम फसिङु र्‍वाक्‍साका मिम्‍ताम-सो़र्ताम मेबेनी।

लूका 11:41

गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

लूका 3:11

यूहन्‍नाका मेर्मिमलाई र्‍वाक्‍ता, “उहेमनुङ नले माक्‍ते बु, मेरामका मेबाट्‌पालाई ग्‍वाक्‍नु़, मा उहेमनुङ पोमुडुमु बु, मेरामका वो मेम ङा बु़नु़।”

मत्ती 16:7

मेर्मिमका उनी त्‍वाप-त्‍वापडा आरे र्‍वाबोमु चो़म्‍मिडी, “गुइ सो़बेम मेकुरिवामका गुमीका आरे र्‍वामिमिम रो ओ।”

लूका 12:16

गुमीका मेर्मिमनुङ ओराम सीसि-सो़म्‍दी र्‍वाम्‍डी, “कोले खाप्‍चीचो़कु ये-दडा छो़म मा-के सिड्‌डु़म बाइडा।

लूका 12:18

“मेकोतिमा गुका र्‍वाक्‍ता, ‘गो आरे बेउ, याक्‍के-याक्‍केतो छेदेनेममिम फालु, मा डोक्‍पु छेदेनेम बनेबेउ, मा खोत्‍ले मा-के नुङ खाप्‍ची वो मेसिन्‍डाङा जु़लु़।