लूका 12:15 - थुलुङ राई

¹⁵ गुमीका मेसिन्‍डा खोम्‍सिक्‍पा मु़चु़मिमलाई र्‍वाम्‍डी, “गानी चङचङया बानी वो, खोलेम थोक रारी बोमुडाम वाङ बानी, हेङालोने हापा खाप्‍चीनुङमा मु़चु़ बु, लावो मेराम मु़चु़का त्‍वारो़म ने मेग्‍वाकु़।”

लूका 12:15 Referans Kwoze

हिब्रू 13:5

गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

लूका 16:14

खउलुङकु रारी बेपा फरिसीमिमका ओराम ल्‍वा थो़म्‍डिमा गुमीलाई सेम्‍ला बेट्‌मिडी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

मर्कूस 7:22

रारी, मेजो़पा बेसी, लिमा, वाङमिम मेसेमनुङ अम्‍पा न, सु़ङखार, डक्‍साका जेमु, डोक्‍पुलिम्‍सिमु, नेप्‍ची मान्‍थिम दु़म्‍मु ओर्मिम खोत्‍ले मु़चु़कु गोलामका लुमी।

१ कोरिन्थी 6:10

खुचु़वामिम, रारी बेपामिम, डु़सेवामिम डक्‍साका जेपामिम वाङमिमलाई रोट्‌पामिमका माम्‍चु़नीकु किब्‍दी मेल्‍वामी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

२ पत्रुस 2:14

मेर्मिमका मेसेमनुङ अम्‍पा नका मेसेमलाई रेप्‍मी मा छु़ल बोमुका हेल्‍लो वो उनी गो मेतिम्‍सी। याक्‍के थो़रनुङमा मु़चु़मिमकु न मेर्मिमका फाल्‍सामी। मेर्मिमकु न-गो रारी बोमु छो़म थेट्‌पा बु। मेर्मिम वाइतो ल्‍वापामिम सो़।

लूका 12:16

गुमीका मेर्मिमनुङ ओराम सीसि-सो़म्‍दी र्‍वाम्‍डी, “कोले खाप्‍चीचो़कु ये-दडा छो़म मा-के सिड्‌डु़म बाइडा।