लूका 11:9 - थुलुङ राई

⁹ “मेम्‍मिमका गो गानीलाई र्‍वाङु, बिनी, मा गानी ल्‍वानी। माल्‍नी, मा गानी डार्नी। नेमगोनो हुमु लागि हेला बेनी, मा इनीमा लागि लाम्‍चोको होल्‍सी।

लूका 11:9 Referans Kwoze

मर्कूस 11:24

मेम्‍मिमका गो गानीनुङ र्‍वाङु गानी सो़म्‍दीडा हाम बिनी मेराम गो ल्‍वाउतोम बु र्‍वाक्‍साका थो़र लु़नी, मा मेराम इनीमा दु़म।

मत्ती 21:22

गानी थो़रलु़नी माला सो़म्‍दीडा हाम बिनी, मेराम ल्‍वानी।”

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

हिब्रू 11:6

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।

हिब्रू 4:16

गुइ दिदाम नुङ न-थो़म ल्‍वासाका इकीमा खेरेलाडा ख्‍लो़ला सो़म्‍सिमु लागि साखाम थो़पा दिदामनुङमा माम्‍चु़नीकु गन्‍खोप फार्डा मेङिसाका लक्‍सी।

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

मत्ती 6:29

सोलोमन हप वो छो़म खाप्‍चीचो़ बाइडा, लावो मे बुङमामिम कोतिम वो जो़पा दु़म्‍साका ब्‍ल्‍वास्‍ताम मेबाया।

२ कोरिन्‍थी 6:2

माम्‍चु़नीका र्‍वामी: “दिदाम बेपा जो़पा थारीका गो इमा सो़म्‍दी थो़उतो। सेल्‍पा नेम गो गानालाई ख्‍लो़न्‍नी।” रेप्‍नी, माम्‍चु़नीका दिदाम बेपा जो़पा थारी ओम्‍लोङा सो़, सेल्‍सिक्‍पा थारी ओम्‍लोङा सो़।

मर्कूस 13:37

मेम्‍मिमका गो गानीनुङ हाम र्‍वाक्‍तोङा बेउ मेराम गो खोत्‍लेलाई ङा र्‍वाङु, ‘चङचङया बानी वो’।”

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

मत्ती 21:31

“ओर्चिप नलेडा पापका र्‍वाक्‍ताम होङङा उहेमका बु़डु़?” ङाउ डु़म्‍लाचो़मिम नुङ यहूदी ङाउमिमका र्‍वाम्‍डी, “उमा थाकुचो़।” येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, कर फक्‍पामिम नुङ छो़लो़मामिम गानीडाम ङादो माम्‍चु़नीकु किब्‍दीडा हुमी।

रेम्‍बेट्‌मिडिम ल्‍वा 2:24

उहेमका मेराम मेसेमकु मेजो़पा सीसिडा मेलाम्‍सिट्‌निवाम मा शैतानलाममिम थक्‍साका जु़ल्‍मा सीसि मेसीन्‍सिट्‌निवाम गानी थिआटीरा मण्‍डलीडा बाट्‌पा याङ मु़चु़मिमलाई गो र्‍वाङु, गानी वाङमिम खारी बोमु बासी र्‍वाक्‍साका मेकाम्‍सानिनी।

लूका 11:10

हेङालोने उहेमका बियु़, मेरामका ल्‍वासु़, उहेमका मालु़, मेरामका डारु़। उहेमका नेमगोनो हुमु लागि हेला बु़ मेरामकाम लागि लाम्‍चोको होल्‍सी।