लूका 11:51 - थुलुङ राई

⁵¹ गो गानीलाई आच्‍छाङा र्‍वाङु, हाबिल सेट्‌मिडिम आथाम सासेन्‍खोप खोमडा नुङ सो़रनेमकु थेतेडा जकरियालाई सेट्‌मिडिमसम्‍मकाम देन्‍दे गानी आथामबिलिम मु़चु़मिमका डार्नी।

लूका 11:51 Referans Kwoze

हिब्रू 11:4

थो़रकाङा हाबिलका माम्‍चु़नीलाई कयिनका ग्‍वाक्‍तु़मडाम जो़पा सासेसी ग्‍वाक्‍तु़। हाबिलकु ग्‍वा-ग्‍वाका माम्‍चु़नी गेर्सिद्‌वाम्‍डिलो थो़रकाङा हाबिल गुमीका द्‌वाम्‍डिम मु़चु़ र्‍वाम्‍डी। मेम्‍मा गु सिल्‍याड्‌डा लोवो थो़रकाङा गुका आथावो सीडु़मी।

मत्ती 23:35

आरेसाका ओराम सुबुडा सेट्‌निम मेख्‍लो़ट्‌पा मु़चु़मिम– हाबिलडाम आरेम सो़रनेम नुङ सासेन्‍खोपकु थेतेडा गानी सेट्‌निम बेरेक्‍याहकु तारापाचो़ जकरियासम्‍मकाम– मेर्मिम खोत्लेकाम सिसिकु मुमा बेन्‍ला सो़न्‍सिनी।

१ यूहन्‍ना 3:12

कयिन होप्‍माम मेदु़म्‍नी, गु शैतानकाम बाइडा, मा उमा ल्‍वाक सेड्‌डु़। गुका हेङा उमा ल्‍वाक सेड्‌डु़? हेङालोने कयिनका हाम बु़डु़ मेराम रु़चो़काम बाइडा मा उमा ल्‍वाकका बु़डु़म ने जो़पा न-गोनुङमाकाम बाइडा।

हिब्रू 12:24

लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।