लूका 11:49 - थुलुङ राई

⁴⁹ माम्‍चु़नीकु नेप्‍चीका वो इनी दुथाम आरे र्‍वाक्‍ताम बाइडा, ‘गोलाम जेपामिम नुङ थु़र्मामिमलाई गो मेर्मिमकाडा थु़रु़मी। मेर्मिमका कोङनिमलाई सेन्‍मी, मा कोङनिमकु थो़मतेर्सामी।’

लूका 11:49 Referans Kwoze

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

कलस्‍सी 2:3

ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

थु़र्मा 22:20

इनीमा दुथाम सो़पा स्‍तिफनस सेट्‌मिडिलो गो मेर्मिमकु फार्डा ङा येम्‍तासिट्‌ङोरो, मा सेट्‌पामिमलाम बाङ्‌सिङ्‌डोमा मेर्मिमकु ये-सेम लथाक्‍तोम वो मेर्मिमका चमिमिम ङा बु।’

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 7:57

मेकोतिलोङा मेर्मिम छो़म डोक्‍पु लो़लामका येम्‍डिमा खोत्‍लेका उनी नोफ्‍ला ड्‌याम्‍डी, मा स्‍तिफनसलाई चोघ्रु़प्‍मिडी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मत्ती 22:6

याङका हपकु डु़ल्‍चो़मिमलाई चु़म्‍मिडिमा सेम्‍ला बेट्‌मिडी, मा मेर्मिमलाई सेट्‌मिडी।

लूका 11:48

आरेसाका इनी ङाउ-खुउमिमका हाम बेम्‍डी गानी वो मेमङा बोमु बिन्‍सिनिमिमका इनी ङाउ-खुउमिमका हाम बेम्‍डिम बाइडा र्‍वाक्‍पा चनी। मेर्मिमका माम्‍चु़नीलाम-जेपामिमलाई सेट्‌मिडी, मा गानी ने माम्‍चु़नीलाम-जेपामिमकु सु़लु़म बनेबोन्‍सानिमी।

थु़र्मा 11:27

मेराम थारीका माम्‍चु़नीलाम-जेपामिम कोले नले यरूशलेमलामका एन्‍टिओखिया शहरयु़ योम्‍डी।

रेम्‍बेट्‌मिडिम ल्‍वा 16:6

हेङालोने मेर्मिमका इनीमा मु़चु़मिम नुङ गानीलाम जेपामिमकु सिसि हाट्‌मिडिम बु, मा गानी मेर्मिमलाई सिसि डुमु ग्‍वाक्‍निमी बु। मेम बोमुका घ्रेट्‌पा मेर्मिम सो़।”

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”