लूका 11:48 - थुलुङ राई

⁴⁸ आरेसाका इनी ङाउ-खुउमिमका हाम बेम्‍डी गानी वो मेमङा बोमु बिन्‍सिनिमिमका इनी ङाउ-खुउमिमका हाम बेम्‍डिम बाइडा र्‍वाक्‍पा चनी। मेर्मिमका माम्‍चु़नीलाम-जेपामिमलाई सेट्‌मिडी, मा गानी ने माम्‍चु़नीलाम-जेपामिमकु सु़लु़म बनेबोन्‍सानिमी।

लूका 11:48 Referans Kwoze

याकूब 5:10

वा-ल्‍वाकनी, माम्‍चु़नीकु सिजेम थो़बेट्‌पा माम्‍चु़नीलाम-जेपा मु़चु़मिमलाई मिम्‍नी, मा मेर्मिमका दु़खा इम्‍साका बाम्‍डिम होम्‍साकाङा गानी वो बानी।

मत्ती 23:31

माम्‍चु़नीलाम-जेपामिमलाई सेट्‌पा मु़चु़मिमकु आच्‍छाङा चो़-चु़सु़ र्‍वाक्‍पा गानी आरेसाका इनी त्‍वाकाङा सो़नी।

मत्ती 23:27

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने गानी डलामका बुबुम जाख्‍ली क्‍वाका कोट्‌मा सु़लु़म होप्‍माम बुनी। मे सु़लु़म डलामका जो़पा ल्‍वासी, लावो गोनो ने सिपा मु़चु़कु सेरडार नुङ खोत्‍ले झिपामिम दु़म।

लूका 11:47

“गानीलाई वाइतो, इनी त्‍वाकु ङाउ-खुउमिमका माके-माके सेट्‌मिडिम माम्‍चु़नीलाम-जेपालाई डोक्‍पु मिम्‍निमिम रेम्‍बोमु जो़पा-जो़पा उनी सु़लु़म बनेबोन्‍सानी।

लूका 11:49

माम्‍चु़नीकु नेप्‍चीका वो इनी दुथाम आरे र्‍वाक्‍ताम बाइडा, ‘गोलाम जेपामिम नुङ थु़र्मामिमलाई गो मेर्मिमकाडा थु़रु़मी। मेर्मिमका कोङनिमलाई सेन्‍मी, मा कोङनिमकु थो़मतेर्सामी।’

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।