लूका 11:42 - थुलुङ राई

⁴² “गानी फरिसीमिमलाई वाइतो, हेङालोने इनी जडीबूटीमिम नुङ मसलामिम होप्‍माम याक्‍के-याक्‍के ल्‍वामिमकाम वो दशांश माम्‍चु़नीलाई ग्‍वानी। लावो मु़चु़मिमलाई जो़पा मेबोनी, मा माम्‍चु़नीकु रिखाम मेद्‌वानी। गानी ने मु़चु़मिमलाई जो़पा बेनिवा, मा माम्‍चु़नीलाई रिखाम बेनिवा, मेम्‍मा दशांश (को-धु़म फ्वा) ग्‍वाक्‍निवानी।

लूका 11:42 Referans Kwoze

मत्ती 23:23

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने गानी याक्‍के मसलामिमकाम वो दशांश ग्‍वानी। लावो निया, न-थो़म नुङ थो़र र्‍वाक्‍मा डु़म्‍लागोडाम डोक्‍पु ल्‍वामिमलाई हाम होङङा वो मेलु़निवाम बु। गानी दशांश ग्‍वाक्‍निवा, मा ओ डोक्‍पु ल्‍वामिम बोमु बासिक्‍पा बाइडा।

लूका 18:12

गो हप्‍ताका नक खेप उपास बुङु। गो रउमिम खउलुङ खोत्‍लेकाम दशांश वो ग्‍वानिनी।’

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

मत्ती 23:27

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने गानी डलामका बुबुम जाख्‍ली क्‍वाका कोट्‌मा सु़लु़म होप्‍माम बुनी। मे सु़लु़म डलामका जो़पा ल्‍वासी, लावो गोनो ने सिपा मु़चु़कु सेरडार नुङ खोत्‍ले झिपामिम दु़म।

यूहन्‍ना 5:42

हेङालोने माम्‍चु़नीकु रिखाम गानीगोडा मिबु र्‍वाक्‍पा गो चक्‍पु।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।