लूका 11:39 - थुलुङ राई

³⁹ मेकोतिमा ङाचो़ येशूका मेरामलाई र्‍वाम्‍डी, “गानी फरिसीमिमका कान्‍चु़रे नुङ थाल उडलामका क्‍लो़नी। लावो गानी इनी गोगोनो रारी बोनी, मा मेजो़पा न-गोनुङमा बुनी।

लूका 11:39 Referans Kwoze

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

मत्ती 15:19

हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

लूका 7:13

येशूका अर्दोमेलाई ल्‍वाम्‍डिमा छो़म उनी थो़म भ्रो़स्‍ता, मा गुमीका मे मेसेमलाई र्‍वाम्‍डी, “मेख्राप्‍डा।”

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

लूका 7:19

मा ङाचो़ येशूकाडा ओराम ल्‍वा हिलाबेप्‍डा थु़र्स्‍तु़ची, “गुकु लन्‍थान्‍कुमिम मसीह गानी ङा डे, गुकु वाङमिमलाई ङा लन्‍थान्‍कुमिम?”