लूका 11:31 - थुलुङ राई

³¹ आथामबिलिम मु़चु़मिमकाम निया दु़म्मिम नेम रायला नेब्‍दीडाम हपमे बमा मेर्मिम मु़चु़मिमलाई मुमा बेडु़मी। हेङालोने गुका सोलोमन हपलामका नेप्‍चीनुङमा सिजेम थो़प्‍डा सुबुबिर्खोपलाम रोक्‍ताम बाइडा। लावो रेप्‍नी, आसिन्‍डा सोलोमनडाम वो छो़म घ्‍ल्‍वापा कोले बु।

लूका 11:31 Referans Kwoze

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

मत्ती 12:42

निया दु़म्मिम नेम रायला नेब्‍दीडाम मेसेम हप आथामबिलिम मु़चु़मिमकु कोर्थो़लाम ब, मा मुमा बेडु़मी। हेङालोने सोलोमन हपकु नेप्‍चीनुङमा सीसि थो़प्‍डा सुबु बिर्खोपलामका मेराम रोक्‍ताम बाइडा। लावो ओराम चनी, सोलोमनडाम वो घ्‍ल्‍वापा कोङनिम आसिन्‍डा बु।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

लूका 9:35

मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”