लूका 11:26 - थुलुङ राई

²⁶ मेकोतिमा मे मुनाङपेलका उ त्‍वापडाम वो छो़म मेजो़पा येतले (७) मुनाङपेलमिमलाई रेड्‌डु़मा रोक्‍ता, मा मेर्मिम खोत्‍ले मेराम मु़चु़गोनो हुमी मा बुमी। मेम्‍मा मेराम मु़चु़ ङादो दु़स्‍तामडाम वो चङडा छो़म मेजो़पा दु़म।”

लूका 11:26 Referans Kwoze

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

मत्ती 12:45

मे मुनाङपेल लमा उ त्‍वापडाम वो छो़म मेजो़पा येतले (७) मुनाङपेलमिमलाई रेडु़, मा मेर्मिम मे मु़चु़गोनो हुमिमा बुमी। मेम्‍मा मेराम मु़चु़ ङादो दु़स्‍तामडाम वो चङडा छो़म मेजो़पा दु़म। आथामबिलिम मेजो़पा मु़चु़मिमलाई वो मेमङा दु़म।”

१ यूहन्‍ना 5:16

थो़र लु़पा वा-ल्‍वाकका छु़ल बु़मिम कोङनिम मु़चु़का ल्‍वासु़, मा मेराम छु़लका ने त्‍वारो़म मेसेडु़ माला गुका मेराम थो़र लु़पा वा-ल्‍वाककाम लागि सो़म्‍दी बु़साट्‌नु़। मेम्‍मा माम्‍चु़नीका मेराम वा-ल्‍वाकलाई त्‍वारो़म ग्‍वामी। उहेम छु़लका त्‍वारो़म मेसेडु़ मेरामकाम लागि आरे बोमु बासी र्‍वाङुमिम। आरेप्‍माम वो छु़ल बु, उहेम छु़लका त्‍वारो़म सेडु़। मेरामकाम लागि गुका सो़म्‍दी बु़साट्‌नु़ र्‍वाक्‍साका गो मेर्‍वाङु।

मत्ती 23:15

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने कोले मु़चु़लाई गानी होप्माम माम्चु़नीकु सो़रलोले बेपा दु़म्‍बेन्‍मु लागि गानी खोत्‍ले बाय नुङ दिरिदिनडा खिर्सिनी। मेम्‍मा मेराम गानी होप्माम सो़रलोले बेपा दु़म्मिम चङडा, खादीयु़ गानीडाम वो हापा देन्‍दे ल्‍वापा बनेबोनी।

लूका 11:25

मेम्‍मिमका मे मुनाङपेल ख्‍लोसिमा रोलो जो़होम बेम्‍थाट्‌मा नेम होप्‍माम मे मु़चु़कु नगो डार्रु़।

लूका 11:27

येशूका ओर्मिम ल्‍वा सो़त्तोङा लेट्‌मिडिलो सेर्पा मु़चु़मिमगोलामका कोले मेसेमका डोक्‍पु लो़लामका आरे र्‍वाक्‍ता, “गानीलाई कक्‍पा, मा दु़दु़ थो़पा माम आलाकाम सो़।”