लूका 11:22 - थुलुङ राई

²² लावो गुडाम वो घ्‍ल्‍वापा सोनुङमा मु़चु़ रोक्‍तामा गुनुङ क्‍वाल्‍बा बेसाका घ्‍ल्‍वास्‍तु़ माला, मेराम सोनुङमा मु़चु़का थो़रबु़डु़म गिजो-वाजो रोडु़मा ल। मेकोतिमा रोडु़मा लमिम खोत्‍ले खाप्‍चीमिम वाङमिमलाई दो़यु़साडु़मी।

लूका 11:22 Referans Kwoze

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

लूका 11:21

“कोले सोनुङमा मु़चु़का गिजो-वाजो झेसाका उ नेम लडु़ माला उ खाप्‍चीमिम मेदाम।

लूका 11:23

“उहेम मु़चु़ गोलाम मेबासी, मेराम मु़चु़ आमा कोर्थो़लाम दु़म। उहेमका गोनुङ मेखोप्‍डु़, मेरामका फोडु़।

एफिसी 6:11

गुइलाई मेजो़पा बेपा शैतानकु खोत्‍ले खापमिमडा घ्‍ल्‍वामुकाम लागि माम्‍चु़नीका ग्‍वानिमिम क्‍वाल्‍बा बेखोप खोत्‍ले सोजाममिम बिम्‍सिट्‌निमा क्‍वाल्‍बा बिइलो फसिडिमिम येमिम फसिट्‌नी।

एफिसी 6:13

मेम्‍मिमका माम्‍चु़नीका गानीलाई ग्‍वानिमिम खोत्‍ले क्‍वाल्‍बा बेखोप गिजो-वाजोमिम बिम्‍सिट्‌नी मा गानीडला मेजो़पा थारी रोलो क्‍वाल्‍बा बोमु चापा दु़म्‍नी मा क्‍वाल्‍बा हुमिम चङडा वो गानी सो नुङमा दु़म्साका येम्सिमु चापा दु़म्‍नी।