लूका 11:19 - थुलुङ राई

¹⁹ गो बालजिबुलकु यु़मका मुनाङपेल कोलु माला, इनी मु़चु़मिमका सु़कु नङडा मुनाङ कोल्‍मी? ओरामलामका ङा गानी इनी नडा ख्‍लो़ट्‌निम बु र्‍वाक्‍पा मेर्मिमका रेम्‍बोमी।

लूका 11:19 Referans Kwoze

लूका 9:49

मेकोतिमा यूहन्‍नाका र्‍वाक्‍ता, “ङाचो़, कोले मु़चु़का इनीमा नङडा मुनाङपेलमिम कोल्‍तोङा लेड्‌डु़म गुकु डार्तोको। लावो गुकु मेराम मु़चु़लाई मेम बोमु मेग्‍वाक्‍कुवा। हेङालोने मेराम मु़चु़ गुइनुङ लाम्‍दिपामिमगोडाम मेएँ।”

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

लूका 19:22

“हपका मे डु़ल्‍चो़लाई र्‍वाक्‍ता, ‘गाना इ सिलामका लुक्‍ताम ल्‍वालामकाङा गो मुमा बेनी, ए मेजो़पा न-गोनुङमा डु़ल्‍चो़ बाम आमा मेएँ मेराम रपा, मा हाम मेख्‍लिउवाम बु मेराम रु़पा गो आ न-थो़म मान्‍थिम मु़चु़ बुङु र्‍वाक्‍साका गाना चनामङा बाइडा।

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।

थु़र्मा 19:13

मुनाङ पेल कोल्‍पा कोङ-कोङ यहूदीमिम वो होनो आथो़ खिर्सिक्‍तो ङाचो़ येशूकु नङ रसाका मु़चु़मिमलाम मुनाङपेलमिम कोल्‍मु माल्‍मिडी। मेर्मिमका मुनाङ पेललाई “पावलका जेस्‍ताम मेराम ङा येशूकु नङडा गो गानालाई र्‍वाङु, लुकामा लक्‍सा” बेम्‍डी।