लूका 11:17 - थुलुङ राई

¹⁷ येशूका मेर्मिमकु नड्‍डाम ल्‍वा चम्‍डिमा मेर्मिमनुङ र्‍वाम्‍डी, “उहेम किब्‍दीडा मु़चु़मिम उनी त्‍वाप-त्‍वापडा ङा क्‍वाल्‍बा बोमी, मेराम किब्‍दी दाम्‍मा ल। मेम्‍साकाङा उहेम नेमगोडाम मु़चु़मिमका उनी त्‍वाप-त्‍वापगोडा क्‍वाल्‍बा बोमी, माला मे उनी नेम झार।

लूका 11:17 Referans Kwoze

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

यूहन्‍ना 2:25

मु़चु़ आच्‍छाङा हेप्‍माम दु़म्‍मी र्‍वाक्‍साका सु़का वो गुमीनुङ सो़मुम बुमु बासिक्‍पा मेबायावा। हेङालोने मु़चु़मिमकु न हेप्‍माम बु र्‍वाक्‍साका गुमीका चम्‍डिम बाइडा।

मत्ती 9:4

मेर्मिमका हाम मिम्‍तोङा लेन्‍मी र्‍वाक्‍पा ल्‍वा येशूका चम्‍डिमा र्‍वाम्‍डी, “गानी हेङा इनी नडा आरेप्‍माम मेजो़पा मिम्‍निमिम?