लूका 10:7 - थुलुङ राई

⁷ मेर्मिमका गानीलाई हाम पोमु-डुमु ग्‍वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्‍वामु घ्रेट्‌पा दु़म। मेराम नेम डिसाका वाङमी नेमडा बाप्‍डा मेलक्‍नी।

लूका 10:7 Referans Kwoze

२ तिमोथी 2:6

ब्राम्‍दु़ल्‍वा बेपा खारीचो़काङा थोक्‍पा मा-के ङादो ल्‍वासु़।

गलाती 6:6

माम्‍चु़नीकाम सिजेमकु सीसि रपामिमका उनीमा सीपा मु़चु़मिमनुङ खोत्‍ले जो़पा थोकमिम दो़मु बासी।

लूका 9:4

उहेम नेमडा लनिलो गानीलाई हुनाखाना बोमी, मेराम शहरलामका वाङथो़ मेलनिमिमसम्‍म मेराम नेमडा ङा बानी।

मर्कूस 6:10

गुमीका मेर्मिमलाई आथावो र्‍वाम्‍डी, “गानी उहेम नेमडा हुनी, मेराम देल मेडिथु़म मेराम नेमडाङा बानी।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

थु़र्मा 16:34

मे डोक्‍पु मु़चु़का पावल नुङ सिलासलाई उ नेमडा येड्‌डु़चिमा ग्रुला ग्‍वाक्‍तु़ची। माम्‍चु़नीडा थो़र लु़म्‍डिमका मे डोक्‍पु मु़चु़ नुङ उ नेमडाममिम खोत्‍लेङा छो़म गेर्सी द्‌वाम्‍डी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 16:40

पावल नुङ सिलास झ्‍यालखानलामका लुक्‍चिम चङडा लिडियाकु नेमडा ख्‍लोसिक्‍ची। मेसिन्‍डा मेर्चिपका थो़रलु़पामिमलाई क्रो़म्‍चिमी, मा आथावो मेर्मिमकु सो हन्‍बेसाच्‍चिमी। मेकोतिमा मेर्चिप शहरलामका वाङथो़ ङा लक्‍ची।

लूका 10:6

न-भ्रम्‍सिमु द्‌वाक्‍पा मु़चु़मिम मेसिन्‍डा बुमी माला गानी न-भ्रसिनु़ र्‍वाक्‍साका ग्‍वाक्‍निम जि मेर्मिमका ल्‍वामी। लावो न-भ्रम्‍सिमु मेद्‌वाक्‍पा मु़चु़ बुमी माला न-भ्रसीकु जि इनीमाडा ङा ख्‍लोसिमा रो।