लूका 10:6 - थुलुङ राई

⁶ न-भ्रम्‍सिमु द्‌वाक्‍पा मु़चु़मिम मेसिन्‍डा बुमी माला गानी न-भ्रसिनु़ र्‍वाक्‍साका ग्‍वाक्‍निम जि मेर्मिमका ल्‍वामी। लावो न-भ्रम्‍सिमु मेद्‌वाक्‍पा मु़चु़ बुमी माला न-भ्रसीकु जि इनीमाडा ङा ख्‍लोसिमा रो।

लूका 10:6 Referans Kwoze

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

याकूब 3:18

न-थो़म घ्रो़म्‍बेट्‌पामिमका न भ्रसी बेन्‍मिमिमका माम्‍चु़नीका मेर्मिमलाई जो़पा मिम्‍मी।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

लूका 10:5

“उहेम नेमडा गानी हुनी, हुमु ङादो मेराम नेमडाम खोत्‍ले मु़चु़काम ‘न-भ्रसिनु़’ र्‍वाक्‍साका जि ग्‍वाक्‍नी।

लूका 10:7

मेर्मिमका गानीलाई हाम पोमु-डुमु ग्‍वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्‍वामु घ्रेट्‌पा दु़म। मेराम नेम डिसाका वाङमी नेमडा बाप्‍डा मेलक्‍नी।