लूका 10:42 - थुलुङ राई

⁴² लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

लूका 10:42 Referans Kwoze

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

मर्कूस 8:36

हेङालोने मु़चु़का खोत्‍ले सुबुङा उमा ल्‍वाडा बु़ मा वो उमा साम ने दाम्‍सोक्‍तु़ माला मेरामका हाम बु़ मा?

लूका 8:18

सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

लूका 12:20

“लावो माम्‍चु़नीका मेराम मु़चु़लाई र्‍वाम्‍डी, ‘ए नेप्‍ची मान्‍थिम मु़चु़, आनेप सिन्‍थाङा गाना सिना, मा इमा लागि फुट्‌नामा जु़ल्‍नाम खोत्‍ले खाप्‍ची सु़काम दु़म?’

१ कोरिन्थी 13:3

गो खोत्‍ले आ खाप्‍ची उनी हाम वो मेबाट्‌पामिमलाई दो़उसाक्‍पुमी, मा आमा मिरो़म चामु ग्‍वाक्‍पु, लावो आगोनो रिखाम मिबु माला गो हाम वो मेल्‍वाउ।

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

लूका 16:2

मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’

लूका 10:39

मेराम मेसेमकाम कोले मरियम नङकाम उ जाउमो ल्‍वाक बाइडा। मेरामका येशूकु फार्डा गन्‍स्‍तामा उनी सिजेम थो़त्तोङा बु़डु़।

लूका 11:1

कोलेम येशूका कोले खोमडा सो़म्‍दी बेत्तोङा लेट्‌मिडी। गुमीका सो़म्‍दी बोमु दु़म्‍मिडी, मा उनी सीसिपामिमगोडाम कोलेका गुमीनुङ र्‍वाक्‍ता, “ङाचो़, यूहन्‍नाका उ सीसिपामिमलाई सीड्‌डु़मिम होम्‍साकाङा गुकुलाई वो सो़म्‍दी बोमु सीकिनी।”

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

यूहन्‍ना 11:1

लाजरस नङकाम कोले मु़चु़ नो़पा बाइडा। गु मरियम नुङ मार्था उमा रिचो़चिपनुङ बेथानिया देलडा बाइथाल्‍ला।

यूहन्‍ना 11:19

मार्था नुङ मरियमकु रिपाप सिडामका हापा यहूदीमिम उचीमा न बसाड्‌डा रोम्‍डिम बाइडा।

यूहन्‍ना 12:3

मेकोतिमा मरियमका हापा थिकाम भ्रपा मुर्नेम्‍पा मोरोचीकु तेल मानाकोङ कोति रेड्‌डु़मा अयु़डु़। मेम्‍मा उमा सेमका येशूकु खेल बक्‍तु़, मा मे भ्रपा मुर्नेम्‍पा तेल नेमगोडा खोत्‍लेथो़ मुर्नेम्‍स्‍ता।