लूका 10:40 - थुलुङ राई

⁴⁰ लावो मार्थाका पोमु-डुमुकु उनी चापे-डुपेमिम बोमुका उ न जेस्‍ताम बाइडा। मेम्‍मा गु येशूकाडा रोक्‍तामा र्‍वाक्‍ता, “ङाचो़, चापे-डुपेमिमकु खारी बोमुडा आमा ल्‍वाकका गोलाई आ त्‍वाप ङा बेङ्‌डिम बु, हाम गानी ओराम मेल्‍वानी? मेरामलाई गानी र्‍वाङसाङ्‌निका, मा गु रोनु़मा गोलाई ख्‍लो़ङिनु़।”

लूका 10:40 Referans Kwoze

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

लूका 12:29

मेम्‍मिमका हाम पोमु हाम डुमु र्‍वाक्‍साका मेमाल्‍नी, मा मिम्‍ताम-सो़र्ताम वो मेबेनी।

मत्ती 16:22

पत्रुसका गुमीलाई कोर्थो़ लडु़मा भुर्तो र्‍वाक्‍ता, “माम्‍चु़नीका आरे मेबोमिनु़। ङाचो़, गानीडला आरेप्‍माम हेल्‍लो वो मेदु़म।”

मत्ती 14:15

दुङमा र्‍यामु खाप्‍डु़म थारीका उनी सीसिपामिम उनीमाडा रोम्‍डिमा र्‍वाम्‍डी, “ओराम खोमडा मु़चु़मिम सु़ वो मेबुमी, मा दुङमा वो र्‍यामु खाप्‍डु़म बु। सेर्पा मु़चु़लाई थु़र्सोट्‌नी, मा देल-गुथाबाडे लमिनु़मा उनी त्‍वाकाङा पोमु-डुमु भ्रेमिनु़।”

लूका 9:55

लावो येशू पिख्‍लोम्‍सिम्‍डिमा मेर्चिपलाई भुर्मिडी।

मर्कूस 3:21

उनी नेमडामका ओराम थो़म्‍डिमा, येशूलाई माल्‍ला रोम्‍डी, हेङालोने मु़चु़मिमका “गुमी उनी न मान्‍थिम बुमी” र्‍वाम्‍डिम बाइडा।

लूका 10:38

येशू उनी सीसिपामिमनुङ यरूशलेमथो़ लक्‍तोङा बेम्‍डिलो कोले देलडा रोम्‍फाम्‍डी। मेसिन्‍डा बाट्‌पा मार्था नङकाम कोले मेसेमका गुमीलाई उमा नेमडा येड्‌डु़मी।

लूका 10:41

लावो येशूका र्‍वाम्‍डी, “मार्था, मार्था, गाना हापा ल्‍वामिमकु दुथाम मिम्‍ताम-सो़र्ताम बोना, मा इ थो़मतेर्सी।

यूहन्‍ना 11:1

लाजरस नङकाम कोले मु़चु़ नो़पा बाइडा। गु मरियम नुङ मार्था उमा रिचो़चिपनुङ बेथानिया देलडा बाइथाल्‍ला।

यूहन्‍ना 11:5

येशूका मार्था, उमा ल्‍वाक मरियम नुङ लाजरसलाई रिखाम बेम्‍थाल्‍मिडी।

यूहन्‍ना 12:2

मेर्मिमका येशूलाई नेम्‍थाका बड बेट्‌मिडी। मार्थाका चापे-डुपे बु़डु़, मा गुमीनुङ पेप्‍डा गन्‍पामिमगोडाम लाजरस वो बाइडा।