लूका 10:27 - थुलुङ राई

²⁷ गुका र्‍वाक्‍ता, “‘मिप्रङमा इमा माम्‍चु़नीलाई खोत्‍ले इमा न-गोका, खोत्‍ले इमा सामका, खोत्‍ले इमा सोका, मा खोत्‍ले इमा नका रिखाम बे।’ मेम्‍मा ‘गाना इमा त्‍वापलाई होङङा इमा साउखोरेलाई रिखाम बे’।”

लूका 10:27 Referans Kwoze

रोमी 13:9

“गाना नाम्‍सु़रु़ मेबे, मु़चु़ मेसेडा, मेखुया, रारी मेबे” कोङङा ने मेएँ, वाङ डु़म्‍लाका र्‍वाक्‍ताम खोत्‍ले ल्‍वा ने “गाना त्‍वापलाई होम्‍साका साउखोरेलाई रिखाम बे” र्‍वाक्‍मा ल्‍वागोडा बु।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

हिब्रू 8:10

मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

मत्ती 19:19

त्‍वाकु माम-पापलाई डोक्‍पु बोमु, मा त्‍वाकु साउखोरेलाई त्‍वापलाई होङङा रिखाम बोमु।”

लूका 10:26

गुमीका मेरामलाई र्‍वाम्‍डी, “मोशाकु डु़म्‍लाडा हाम र्‍वाक्‍मा बु? गाना मेराम डाट्‌नामा हाम थेसिथेट्‌ना?”