लूका 10:24 - थुलुङ राई

²⁴ हेङालोने गो गानीलाई र्‍वाङु, हपमिम नुङ माम्‍चु़नीलाम-जेपामिम हापाका गानी हाम ल्‍वानी, मेराम ल्‍वा रेम्‍मु न बेम्‍डिम बाइडा, लावो मेर्मिमका रेम्‍मु मेल्‍वामिवा। मेम्‍मा गानी हाम थो़नी, मेराम ल्‍वा मेर्मिमका वो थो़पा न बेम्‍डिम बाइडा, लावो मेर्मिमका मेथो़मिवा।”

लूका 10:24 Referans Kwoze

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

यूहन्‍ना 8:56

इनीमा बेब-पाप अब्राहामका गो योक्‍पा थारी रेम्‍मु छो़म गेर्सिक्‍पा बाइडा। गुका मेराम ल्‍वास्‍तु़, मा गेर्सिद्‌वाक्‍ता।”

हिब्रू 11:39

ओर्मिम खोत्‍ले मु़चु़मिमका थो़रलामका ओर्मिम थो़र बेपा मु़चु़मिम र्‍वाक्‍साका उनी नङ जु़ल्‍मिडी, मा वो माम्‍चु़नीका हाम ग्‍वानिनी र्‍वाम्‍डिम मेराम ओर्मिम सु़का वो मेडार्मिवा।

मत्ती 13:16

“लावो गानी ने जिनुङमा सो़, हेङालोने इनी मिक्‍सीका ल्‍वानी, मा नोफ्‍लाका थो़नी।

लूका 10:23

मेकोतिमा येशूका उनी सीसिपामिम कोङङा बाम्‍डिम थारीका मेर्मिमथो़ ख्‍लोसिम्‍डिमा र्‍वाम्‍डी, “गानी हाम ल्‍वानी, मेराम ल्‍वापा मु़चु़मिम आलाकाम सो़।

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”