लूका 10:21 - थुलुङ राई

²¹ मेराम थारीकाङा येशूलाई माम्‍चु़नी-पेलका गेर्सिबेट्‌मिडी, मा गुमीका र्‍वाम्‍डी, “माम्‍चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्‍वानिनी, हेङालोने थेट्‌पा मु़चु़ नुङ नेप्‍चीनुङमामिमडाम थक्‍निम ल्‍वा चो़च्‍चो़ होप्‍माम मु़चु़मिमलाई रेम्‍बेट्‌नी। गानी आरे बोमु ङा जो़पा लु़न्‍नी माम्‍चु़नी।

लूका 10:21 Referans Kwoze

२ कोरिन्‍थी 4:3

गुकु थो़बेन्‍कुमिम जो़पा-सेला कोङनिमलामका थसिक्‍पा बु माला पुयु़लुक्‍पामिमकाम लागि कोङङा थसिक्‍पा बु।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

मर्कूस 10:15

आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

मत्ती 21:16

मेम्‍मा मेर्मिमका येशूलाई हिलाबेम्‍डी, “थो़त्तोङा लेना, चो़च्‍चो़मिमका हाम र्‍वाक्‍तोङा लेन्‍मी?” येशूका र्‍वाम्‍डी, “थो़त्तोङा लेट्‌पु। माम्‍चु़नीकु सिजेमडा ओराम र्‍याक्‍मा हाम गानी हेल्‍लो वो डाट्‌निम मिबु? ‘चो़च्‍चो़मिम नुङ दु़दु़ डुपा चो़मिमकु सिलामका, इनीमा नङ कोमु काम्सो ख्‍लुक्‍निम बु।’”

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

लूका 15:9

दाम्‍स्‍ताम खउलुङ डारु़मिम चङडा गुका उ ङोप्‍सो़मिम नुङ उ साउखोरेमिमलाई येडु़मिमा र्‍वा, ‘गुइ गेर्सिडी, हेङालोने दाम्‍स्‍ताम आमा खउलुङ गो डार्तो।’

लूका 15:5

मे दाम्‍पा भेन्‍दा डारु़मिम चङडा गेर्सिद्‌वाक्‍तो गुका उ बालामडला मेरामलाई कुडु़,

यूहन्‍ना 11:41

मेर्मिमका सु़लु़मकु ख्रेमलुङ रिल्‍मिडी। मेकोतिमा येशूका पाह्रीथो़ रेप्‍मिडिमा र्‍वाम्‍डी, “पाआ, गो र्‍वाङडोम ल्‍वा गानी थो़ङसाङडिनिमकाम लागि आलासो़।

मत्ती 3:7

फरिसीमिम नुङ सदुकीमिमगोडाम हापा मु़चु़मिम वो यूहन्‍नाकाडा कु-रु़दु़म रप्‍डा रोम्‍डिम ल्‍वास्‍तु़। मेम्‍मा यूहन्‍नाका मेर्मिमलाई बु़डु़मी, “लु-फेले बेपा ब्‍लो होप्‍माम मु़चु़नी, माम्‍चु़नीका बोमु खाप्‍मिमिम नियालामका वाङ दु़म्‍मु कोङनिमका गानीलाई ङिमसान्‍मु मेचाम्‍नी।