लूका 1:80 - थुलुङ राई

⁸⁰ मे चो़च्‍चो़ यूहन्‍ना बर्तो लस्‍ता, मा माम्‍चु़नी-पेलका गुलाई यु़मचो़ दु़म्‍बेट्‌मिडी। मेकोतिमा इस्राएलीमिमनुङ रेम्‍मेबेसिथु़मसम्‍म गु र्‍याङगो-र्‍याङगोडाङा बाइडा।

लूका 1:80 Referans Kwoze

लूका 2:40

मे चो़च्‍चो़ येशू बर्तो लम्‍डी, मा नेप्‍ची नुङ सोनुङमा दु़म्‍तो लम्‍डिमा माम्‍चु़नीकु दिदाम गुमीनुङ बाइडा।

लूका 2:52

येशू नेप्‍चीडा, मिरो़मडा, माम्‍चु़नी नुङ मु़चु़मिमकु दिदामडा बर्तो लम्‍डी।

मत्ती 3:1

चक्‍थो़वा यहूदियाडाम र्‍याङगो-र्‍याङगोडा कु-रु़दु़म ग्‍वाक्‍पा यूहन्‍नाका आरे र्‍वाक्‍तो जो़पा-सेला थो़बेन्‍मु चो़म्‍डु़,

यूहन्‍ना 1:31

गो आ त्‍वाकाङा वो गुमीलाई छेत्तोमिम मेबायावा, लावो गुमी इस्राएलडाम मु़चु़मिम गोडा रेम्‍बेम्‍सिमिनु़ र्‍वाक्‍साका कु-रु़दु़म ग्‍वाक्‍तो रोङडो।”

लूका 1:15

हेङालोने गु मिप्रङमाकु मिक्‍सीलामडा डोक्‍पु दु़म। गुका अङ्‍गूरकु ग्‍वाल नुङ डु़ हेल्‍लो वो मेडुङु़। उ मामकु ङेलगोनो बुलो आथामङा गु माम्‍चु़नी-पेलका लु़न्‍सिक्‍पा दु़म।

मत्ती 11:7

कु-रु़दु़म ग्‍वाक्‍पा यूहन्‍नाकु सीसिपामिम लम्‍डिम चङडा येशूका मे सेर्पा मु़चु़लाई यूहन्‍नाकु दुथाम सो़मु चो़म्‍मिडी, “र्‍याङगो-र्‍याङगोडा गानी हाम रेप्‍डा लक्‍नी? हाम जुका थो़पा लिङ्‍गुकमा नार होप्‍माम मु़चु़लाई रेप्‍डा लक्‍निम?

थु़र्मा 18:28

हेङालोने गुका माम्‍चु़नीकु सिजेमलामका जेस्‍तामा येशू ङा ख्रीष्‍ट र्‍वाक्‍पा ल्‍वा रेम्‍बु़डु़, मा यहूदीमिमलाई खोत्‍लेकु ङादोडा ल्‍वालाम खाल्‍तो हाम र्‍वामु-र्‍वामु दु़म्‍बेड्‌डु़मी।