लूका 1:79 - थुलुङ राई

⁷⁹ मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

लूका 1:79 Referans Kwoze

मत्ती 4:16

माम्‍चु़नी मेछेसाका तुकुम्‍चिमडा होङङा बाट्‌पा मु़चु़मिमका माम्‍चु़नीकु सेल्‍सीकाम ओल ल्‍वाम्‍डिम बु। मेसिपा त्‍वारो़म मेल्‍वापा मु़चु़मिमडला मे ओल झ्‍वाक्‍ताम बु।”

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

यूहन्‍ना 9:5

गो सु़म्‍दिसेरडा बुङुमिमसम्‍म सु़म्‍दिसेरडाम मु़चु़मिमकु ओल सो़।”

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

लूका 2:32

वाङसामामिम सेल्‍सिक्‍पा लाम्‍दी रेम्‍बेट्‌पा ओल नुङ इनी त्‍वाकु सामा इस्राएलीमिमकु यु़म-झ्‍वाक्‍पा ओल मेराम दु़म्‍बेट्‌निम बु।”

रोमी 3:17

मेर्मिमका न-गो भ्रसिबेट्‍पा लाम्‍दी ने चम्‍डिम ङा मिबु।”

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।