लूका 1:35 - थुलुङ राई

³⁵ पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

लूका 1:35 Referans Kwoze

मत्ती 1:18

येशू ख्रीष्‍ट आरेसाका गम्‍डी: उनीमा माम मरियम योसेफकाडा बिम्‍डिम बाइडा, लावो मेर्चिपकु लालीकुन्‍दा दु़म्‍मु ङादोङा मरियम माम्‍चु़नी-पेलका गोजु़मे दु़स्‍ताम चस्‍ता।

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

मत्ती 1:20

लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

लूका 1:27

मे पाह्रीचो़ मरियम र्‍वाक्‍मा कोले कन्‍या मेसेमकाडा लस्‍ता। मे मरियम दाऊद हपकु चो़-चु़सु़लाममिम योसेफ र्‍वाक्‍मा कोले मु़चु़काडा बिम्‍डिम बाइडा।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

मर्कूस 1:1

माम्‍चु़नीकु चो़ येशू ख्रीष्‍टकु दुथाम जो़पा-ल्‍वाकु चो़म द।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

मत्ती 14:33

कुबी-बोक्‍साडला बाट्‌पा सीसिपामिमका गुमीलाई डोक्‍पु मिम्‍साका सेव साट्‌मिडिमा र्‍वाम्‍डी, “गानी आच्‍छाङा माम्‍चु़नीकु तारापाचो़।”

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

लूका 1:34

मरियमका मे पाह्रीचो़नुङ र्‍वाक्‍ता, “गो ने कोले कन्‍या मेसेम बुङु, ओराम ल्‍वा हेसाका दु़म्‍मु चाप्‍सु़ मा?”

लूका 1:36

रेप्‍डा, इमा त्‍वाकु मु़चु़ एलीशिबाका वो उ ङामीदुडा गोजु़मे दु़स्‍तामा वोस्‍चो़ कक्‍पा दु़स्‍ताम बु। गुलाई खोत्‍लेका चो़ मेकक्‍सु़ र्‍वाम्‍डिम बाइडा। गु गोजु़मे दु़स्‍ताम रु (६) मुनाम दु़म्‍मु दु़म्‍स्‍तु़म बु।