लूका 1:20 - थुलुङ राई

²⁰ लावो आमा ल्‍वाडा थो़र मेलु़नावामका चो़च्‍चो़ गमिमसम्‍म सि मेजेपा दु़म्‍नामा जेमु मेचाम्‍ना। हेङालोने गो जेङडोम ल्‍वा जो़पा थारीका रोथी।”

लूका 1:20 Referans Kwoze

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

लूका 1:22

जकरिया पाखानो लुक्‍तालो मेर्मिमनुङ जेमु ङा मेचाप्‍सु़वा, मा गुका सो़रनेमगोनो मिक्‍सीलाम ल्‍वास्‍तु़ र्‍वाक्‍पा मु़चु़मिमका चम्‍डी। गु उ सि मेजेपा दु़स्‍तामका गुका मेर्मिमलाई उ ल्‍वा थो़साका सीड्‌डु़मी।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

२ तिमोथी 2:13

गुइ थो़रमेलु़पा बुइ लोवो, गुमी थो़रलु़इमिम दु़म्‍मी, हेङालोने गुमीका उनी त्‍वापलाई लिमा थेन्‍मु मेचाम्‍मी।

लूका 1:45

गाना आलाकाम सो़, हेङालोने मिप्रङमाका गानालाई र्‍वाम्‍डिम ल्‍वा रोथी र्‍वाक्‍साका थो़र लु़न्‍नाम बु।”

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

मर्कूस 9:19

येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

लूका 1:19

पाह्रीचो़का गुनुङ र्‍वाक्‍ता, “माम्‍चु़नीनुङ दु़म्‍पा डोक्‍पु पाह्रीचो़ गो गब्रिएल सो़। गानानुङ ल्‍वा बेप्‍डा नुङ ओराम जो़पा-सेला थो़बेड्‌डा गुमीकाङा गोलाई थु़र्ङिडिमिम सो़।

लूका 1:21

मेराम थारीका मु़चु़मिमका जकरियालाई पाखानो लम्‍थाट्‌मिडिम बाइडा, मा गु सो़रनेमगोनो छो़म छु़स्‍तामका मेर्मिम ङाङाया दु़म्‍मिडिम बाइडा।

लूका 1:64

मेकोतिलोङा गु जेमु चापा दु़स्‍ता, मा गुका माम्‍चु़नीकु नङ कोमु चो़म्‍डु़।