Biblia Todo Logo
Bib sou entènèt

- Piblisite -




यूहन्‍ना 9:4 - थुलुङ राई

4 गोलाई थु़र्पाकु खारीमिम नेप्‍सुङ बुलोङा गुइ बोमु बासी। सिन्‍था दु़म्‍मा सु़का वो खारी बोमु मेचाप्‍सु़।

Gade chapit la Kopi




यूहन्‍ना 9:4
18 Referans Kwoze  

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।


हेल्‍लो लोवो जो़पा खारी बोमु माल्‍नी, जो़पा खारी बेपा इनीमा थारी ब्‍लाम-ब्‍लाम मेबेनी। हेङालोने आथामबिलि हापा मु़चु़मिम मेजो़पा बेपाम बाट्‌पा बुमी।


येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।


मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।


गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।


येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।


“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।


लावो येशूका मेर्मिमनुङ र्‍वाम्‍डी, “हापा यु़मखारीमिम आमा पापलाम गो गानीलाई रेम्‍बेट्‌निनी। मेर्मिमगोडाम उहेम खारीकाम लागि गानी गोलाई लुङका ओम्‍ङिनिमिम?”


आमा पापका बोमिमिम होप्‍माम खारी गो मेबेउ माला गोलाई थो़र मेबेङिनी।


हेङालोने गुचुकु ल्‍वाच्‍चोकोम नुङ थो़च्‍चोकोम ल्‍वा मेसो़साका बुमु ङा मेचाम्‍चुकु।”


येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, तारापाचो़ उ त्‍वाकाङा हाम वो बोमु मेचाप्‍सु़। पापका हाम बोमिमिम ल्‍वासु़ मेराम कोङङा बु़। पापका हाम बु़ तारापाचो़का मेमङा बु़।


येशूका मेर्मिमलाई र्‍वाम्‍डी, “गानीनुङ गो किचो़ कोङङा बुङु, मेम्‍मा गोलाई थु़र्पाकाडा लङु।


“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’


येशूका मे ल्‍वा सोक्‍पा मु़चु़लाई र्‍वाम्‍डी, “आसि खोत्‍लेकु ङादोडा येम्‍सा।”


Swiv nou:

Piblisite


Piblisite