यूहन्‍ना 9:29 - थुलुङ राई

²⁹ मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

यूहन्‍ना 9:29 Referans Kwoze

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

थु़र्मा 26:22

लावो गो ल्‍वाउतोम ल्‍वाकु दुथाम डोक्‍पु याक्‍के खोत्‍ले मु़चु़मिमनुङ सो़मु माम्‍चु़नीका गोलाई ओम्‍लोसम्‍म ख्‍लो़ङ्‌डिमिम बु। मोशा नुङ माम्‍चु़नीलाम-जेपामिमका र्‍वाम्‍डिम ल्‍वा कोङङा सो़त्तो ङा लेट्‌पु,

थु़र्मा 22:22

मेर्मिमका पावलकु ल्‍वा आकोतिङा थो़म्‍डी, मा आरेसाका येत्तो प्रोमु चो़म्‍मिडी, “ओराम मु़चु़लाई सेट्‌नी! हेङालोने ओराम मु़चु़ सुबुडा बुमुका घ्रेट्‌पा मिबु!”

थु़र्मा 7:35

“इस्राएलीमिमका ‘गानालाई निया बेपा नुङ साखाम थो़पा दु़म्‍मु सु़का थुट्‌ना’ र्‍वाक्‍साका नाप्‍छु़ट्‌मिडिम ओराम मोशालाई माम्‍चु़नीका झोरीडा रेम्‍बेसिक्‍पा पाह्रीचो़लामका साखामचो़ नुङ बोपा-थार्पा मु़चु़ थुसाका थु़र्मिडिम बाइडा।

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 7:27

लावो ओराम मु़चु़ बालामका रोक्‍ताम मेराम गुइ च। ख्रीष्‍ट रोमिलो ने गुमी बालामका रोम्‍डिम मेराम सु़कावो मेच।”

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

मत्ती 26:61

मा र्‍वाक्‍ची, “ओराम मु़चु़का ‘माम्‍चु़नीकु सो़रनेम फाल्‍साका गो सुलेमका आथावो बनेबोमु चापु’ र्‍वाक्‍ता।”

मत्ती 12:24

लावो फरिसीमिमका ओराम ल्‍वा थो़म्‍डिमा र्‍वाम्‍डी, “ओराम मु़चु़का ने मुनाङमिमकु डोक्‍पु बालजिबुलकु यु़मका मुनाङ कोलु़।”

यूहन्‍ना 7:28

येशूका सो़रनेम गोनो सीट्‌मिडिलो डोक्‍पु लो़लामका र्‍वाम्‍डी, “गानी गोलाई छेङिनी, मा गो बालामका रोङडोम मेराम वो चनी। लावो गो आ त्‍वाकु नका योङडोम मेएँ, उहेमका गोलाई थु़र्ङिडिमी गुमी आच्‍छाङाकाम बुमी मा गानी गुमीलाई मेछेनी।

यूहन्‍ना 9:30

मेराम मु़चु़का र्‍वाक्‍ता, “हेप्‍माम हेल्‍लो वो मेथो़म्‍मा ल्‍वा, गुमी बालामका रोम्‍डिम मेराम मेचनी, लावो गुमीका आमा मिक्‍सी होर्साङ्‌डिमी।

हिब्रू 1:1

माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।