यूहन्‍ना 9:25 - थुलुङ राई

²⁵ गुका र्‍वाक्‍ता, “गुमी छु़लचो़ डे मेएँ, मेराम गो मेचक्‍पु। गो कोलेङा ल्‍वा चक्‍पु, गो मिक्‍सीका मेल्‍वापा बाङडो, लावो ओम्‍लो ल्‍वापा दु़म्‍ङोडोम बु।”

यूहन्‍ना 9:25 Referans Kwoze

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

यूहन्‍ना 9:30

मेराम मु़चु़का र्‍वाक्‍ता, “हेप्‍माम हेल्‍लो वो मेथो़म्‍मा ल्‍वा, गुमी बालामका रोम्‍डिम मेराम मेचनी, लावो गुमीका आमा मिक्‍सी होर्साङ्‌डिमी।

यूहन्‍ना 5:11

गुका मेर्मिमलाई र्‍वाक्‍ता, “उहेमका गोलाई सबेट्‌ङिडिमी गुमीकाङा गोलाई र्‍वाम्‍डी, ‘इमा प्‍लान कुरामा लाम्‍दिया’।”

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 9:26

मेकोतिमा मेर्मिमका गुलाई हिलाबेम्‍डी, “मेरामका गानालाई हाम बेन्‍ना? हेसाका इमा मिक्‍सी होर्साट्‌ना?”