यूहन्‍ना 9:24 - थुलुङ राई

²⁴ यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 9:24 Referans Kwoze

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 19:6

ङाउ डु़म्‍लाचो़मिम नुङ सो़रनेम लपा सिपाहीमिमका येशूलाई ल्‍वाम्‍डी मेडे येम्‍डी, “मेरामलाई क्रूसडा चेट्‌नी, मेरामलाई क्रूसडा चेट्‌नी।” लावो पिलातसका मेर्मिमलाई र्‍वाक्‍ता, “गानीङा ओरामलाई लक्‍निमा क्रूसडा चेट्‌नी। हेङालोने ओराम मु़चु़का ख्‍लो़ड्‌डु़म गो हाम वो मेडारुवा।”

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

यूहन्‍ना 18:30

मेर्मिमका र्‍वाम्‍डी, “ओराम मु़चु़ ख्‍लाम्‍याचो़ मेएँ माला ने इनीमा ल्‍वाडा ग्‍वाप्‍डाङा मेरेट्‌कुवा।”

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

यूहन्‍ना 8:49

येशूका र्‍वाम्‍डी, “गोलाई मुनाङका हुप्‍ङिडिम मिबु। लावो गो आमा पापलाई डोक्‍पु मिम्‍पु, मा गानी ने गोलाई याक्‍के मिम्‍ङिनी।

यूहन्‍ना 8:46

गो छु़ल बेउतोम बु र्‍वाक्‍पा गानीगोडाम सु़का रेम्‍बोमु चाप्‍सु़? गो आच्‍छाङाकाम ल्‍वा जेङुमिम बुङु, हेङा गानी गोलाई थो़र मेलु़निमिम?

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

लूका 19:7

मु़चु़मिमका ओराम ल्‍वाम्‍डिमा आरे र्‍वाक्‍तो सु़म्बुर्मा किन्‍मु चो़म्‍मिडी, “ओराम येशू ने छु़लचो़कु नेमडा बाप्‍डा लस्‍ता।”

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

मर्कूस 15:27

मेर्मिमका नले खुचु़वाचिप वो कोले उनीमा जो़पलाम नुङ कोङमी उनीमा पेलाम बेसाका क्रूसडा चेट्‌मिडिम बाइडा।

यूहन्‍ना 9:25

गुका र्‍वाक्‍ता, “गुमी छु़लचो़ डे मेएँ, मेराम गो मेचक्‍पु। गो कोलेङा ल्‍वा चक्‍पु, गो मिक्‍सीका मेल्‍वापा बाङडो, लावो ओम्‍लो ल्‍वापा दु़म्‍ङोडोम बु।”

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।