यूहन्‍ना 9:22 - थुलुङ राई

²² मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

यूहन्‍ना 9:22 Referans Kwoze

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 7:13

लावो यहूदीमिमकु ङिमका सु़का वो उनीमा दुथाम खोत्‍लेकु ङादोडा हाम वो मेर्‍वाम्‍वा।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

थु़र्मा 5:40

मेर्मिमका गुका र्‍वाक्‍ताम ल्‍वा बिम्‍सिम्‍डी। मेर्मिमका थु़र्मामिमलाई गोनो येट्‌मिडिमा याल्‍मिडी, मा “आनेपडाम्‍मा येशूकु नङडा को सि वो मेजेनी वो” बेसाका डिन्‍सोम्‍डिमी।

थु़र्मा 5:13

मु़चु़मिमका थु़र्मामिमकु दुथाम जो़पा ङा जेम्‍थाल्‍मिडी, लावो थु़र्मामिमकाडा रोमु मेर्मिम ङिम्‍थाल्‍मिडी।

थु़र्मा 4:18

मेकोतिमा मेर्मिमका पत्रुस नुङ यूहन्‍ना येट्‌मिडिची मा “मामासो़! आनेपडाम्‍मा येशूकु नङडा को सि वो मेजेची, मा हाम वो मेसीचिमी वो” बेम्‍डिची।

यूहन्‍ना 20:19

नेप्‍सुङनेम नेम्‍थाका यहूदी ङाउमिमडाम ङिमुका सीसिपामिमका लाम्‍चोको ख्‍लुट्‌मिडिमा कोदेप बाम्‍डी। येशू रोम्‍डिमा मेर्मिमकु थेतेडा येम्‍सिम्‍डी, मा र्‍वाम्‍डी, “न-गो भ्रसीनु़।”

यूहन्‍ना 19:38

मेकोतिमा चङ्‌डा, अरिमाथिया देलडाम योसेफका पिलातसकाडा येशूकु सिपा मिरो़म बियु़डु़। यहूदीकु ङिमुका योसेफ मेचहोमका येशूकु कोले सीसिपा बाइडा। पिलातसका लमु ग्‍वाक्‍तु़मा गु रोक्‍तामा उनीमा सिपा मिरो़म लडु़।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 9:18

मिक्‍सीका ल्‍वापाकु माम-पापलाई येसाका हिला मेबेथु़मसम्‍म मेराम मु़चु़ मिक्‍सीका मेल्‍वापा बाइडा, मा ल्‍वापा दु़स्‍ता र्‍वाक्‍साका यहूदीमिमका थो़र मेलु़मिवा।

यूहन्‍ना 9:21

लावो हेसाका गु मिक्‍सीका ल्‍वामु चापा दु़स्‍ता डे सु़का सबेड्‌डु़ मेराम गुचुकु मेचचुकु। गुलाई ङा हिलाबेनी। गु उमा त्‍वाकु दुथाम जेमु सो़ट्‌पा दु़स्‍ताम बु।”

यूहन्‍ना 9:35

यहूदीमिमका मेराम मु़चु़लाई पाखा कोल्‍सोम्‍डी र्‍वाक्‍पा येशूका थो़साका मेरामलाई क्रो़म्‍मिडिमा र्‍वाम्‍डी, “हाम गाना मिनीचो़डला थो़र बोना?”