यूहन्‍ना 9:18 - थुलुङ राई

¹⁸ मिक्‍सीका ल्‍वापाकु माम-पापलाई येसाका हिला मेबेथु़मसम्‍म मेराम मु़चु़ मिक्‍सीका मेल्‍वापा बाइडा, मा ल्‍वापा दु़स्‍ता र्‍वाक्‍साका यहूदीमिमका थो़र मेलु़मिवा।

यूहन्‍ना 9:18 Referans Kwoze

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

लूका 16:31

“अब्राहामका गुलाई र्‍वाक्‍ता, ‘मोशा नुङ माम्‍चु़नीलाम-जेपामिमकु सिजेम थो़मिमा उनी छु़ल न-गोलामका मिम्‍सिसाका मेख्‍लोम्‍सिमी माला सिमुलामका कोङनिम बगेङा लोवो मेर्मिमका मेथो़मी’।”

यूहन्‍ना 9:19

मेम्‍मा मेर्मिमका उमा माम नुङ पापलाई हिलाबेम्‍डी, “हाम इचीमा तारापाचो़ ओराम? ओराम मिक्‍सीका मेल्‍वापा गस्‍ताम बाइडा? मा हेसाका मिक्‍सीका ल्‍वामु चापा दु़स्‍ता?”