यूहन्‍ना 9:16 - थुलुङ राई

¹⁶ फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 9:16 Referans Kwoze

यूहन्‍ना 10:19

येशूका आरे र्‍वाम्‍डिमका यहूदीमिमगोडा आथावो गो-फ दु़स्‍ता।

यूहन्‍ना 7:43

मेम्‍मिमका येशूकु दुथाम मु़चु़मिम गो-फ दु़म्‍मिडी।

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

मत्ती 12:2

लावो फरिसीमिमका ओराम ल्‍वाम्‍डिमा येशूनुङ र्‍वाम्‍डी, “रेप्‍नी, डु़म्‍लाका ङेम्‍सिमुनेम मेबेनी र्‍वाक्‍ताम खारी इनी सीसिपामिमका बोमिम बुमी।”

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

यूहन्‍ना 14:11

गो पापगोडा बुङु, मा पाप आमागोडा बुमी र्‍वाक्‍पा थो़र बेनी। मेएँ माला वो गो खारी बेउतोम गानी ल्‍वान्‍निमका थो़र बेनी।

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 6:52

मेकोतिमा यहूदीमिम उनी त्‍वाप-त्‍वापडा फमु चो़म्‍मिडी, “ओराम मु़चु़का गुइलाई हेसाका उ मिरो़म पोमु ग्‍वामु चाप्‍सा?”

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

मत्ती 12:10

मेसिन्‍डा कोले उ ल्‍वा साट्‌पा मु़चु़ बाइडा। येशूलाई मुमा बेन्‍मु नका फरिसीमिमका गुमीनुङ हिलाबेम्‍डी, “हाम ङेम्‍सिमुनेम मु़चु़ समु डु़म्‍लाका ग्‍वाक्‍सा?”

लूका 13:14

लावो मेराम मेसेमलाई येशूका ङेम्‍सिमुनेम सबेट्‌मिडिमका घ्रो़म्‍दी नेमडाम ङाउकु छोक्‍चो बक्‍ता। मेम्‍मा गुका मे मु़चु़मिमलाई र्‍वाक्‍ता, “हप्‍ताका खारी बेपा रुलेम बु। ओ रुलेमगोडा रोक्‍नीमा सनी। ङेम्‍सिमु नेम ने मेएँ सो़।”

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

यूहन्‍ना 5:10

मेम्‍मिमका यहूदी ङाउमिम कोर्थो़लाम बम्‍डी। मेर्मिमका सपा मे मु़चु़लाई र्‍वाम्‍डी, “ङेम्‍सिमुनेम गाना खारी बेसीमेनु़। मे प्‍लान कुर्मु डु़म्‍लाका मेग्‍वाना।”

यूहन्‍ना 7:23

कोङ चो़च्‍चो़कु खिरिरि-क्रिप्‍सी ङेम्‍सिमुनेम बोनिमिम ने मोशाकु डु़म्‍लाकु कोर्थो़लाम मेदु़म माला ङेम्‍सिमुनेम कोले मु़चु़लाई खोत्‍ले उ मिरो़म सबेट्‌पुमिमडा हेङा गोनुङ छोक्‍चो बोनी?