यूहन्‍ना 9:1 - थुलुङ राई

¹ कोलेम येशू मेलामका लक्‍तोङा बेम्‍डिलो गस्‍तालो आथामङा मिक्‍सीका मेल्‍वापा कोले मु़चु़लाई ल्‍वाम्‍डी।

यूहन्‍ना 9:1 Referans Kwoze

यूहन्‍ना 8:59

मेम्‍मिमका मेर्मिमका येशूलाई लुङका ओम्‍मु लागि लुङ डो़म्‍डी, लावो गुमी थसिक्‍साका सो़रनेमलामका पाखा लुम्‍डी।

यूहन्‍ना 9:2

येशूकु सीसिपामिमका गुमीनुङ हिलाबेम्‍डी, “सीपा, ओराम मु़चु़का डे उ माम-पापका डे, सु़का छु़ल बु़डु़मा मिक्‍सीका मेल्‍वापा ओराम गस्‍ता?”

मत्ती 9:27

येशू मेलामका लक्‍तोङा बेम्‍डिलो मिक्‍सीका मेल्‍वापा मु़चु़चिपका डोक्‍पु लो़लामका आरे र्‍वाक्‍तो उनी चङचङ लक्‍ची, “ए दाऊदकु तारापाचो़, गुचुकुडला न-थो़म रेम्‍बेनी।”

मत्ती 20:30

लाम्‍दी फार्डा गन्‍तासिट्‌पा मिक्‍सीका मेल्‍वापा नले मु़चु़का येशू मेराम लाम्‍दीभाल लक्‍तोङा लेन्‍मी र्‍वाक्‍पा थो़च्‍ची। मेम्‍मा आरे र्‍वाक्‍तो येमु चो़म्‍ची, “ङाचो़, दाऊदकु तारापाचो़, गुचुकुडला न-थो़म रेम्‍बेनी।”

मर्कूस 9:21

गुमीका मे चो़च्‍चो़कु पापनुङ हिलाबेम्‍डी, “हेलो आथाम ओरामलाई आरे दु़स्‍ताम?” मेरामकु पापका र्‍वाक्‍ता, “चो़च्‍चो़लो आथामङा,

लूका 8:43

मेर्मिमगोडाम को-न थ आथाम सिसि लक्‍पा सोमोरीका लु़प्‍डु़म कोले मेसेम बाइडा। मेराम मेसेमलाई सु़का वो सबेन्‍मु चाप्‍मिडिम मेबायावा।

यूहन्‍ना 5:5

सु-लेत (३८) थ आथाम नो़पामा झार्ल्‍याक्‍पा कोले मु़चु़ मेसिन्‍डा बाइडा।

थु़र्मा 4:22

उहेम मु़चु़ यु़मखारीलामका सबेच्‍चिम बाइडा, मेरामका ब्‍ल धु़म (४०) थ हेम्‍डु़म बाइडा।

थु़र्मा 9:33

मेसिन्‍डा गुका एनियास र्‍वाक्‍मा कोले मु़चु़ डार्स्‍तु़। गु लेतले (८) थ आथाम उ ल्‍वा-खेल सोक्‍पा सोमोरीका प्‍लानडा झार्ल्‍याक्‍पा बाइडा।

थु़र्मा 14:8

लुस्‍त्रा शहरडा गस्‍तालोम ङा उ खेल ब्‍लेट्‌पा कोले मु़चु़ बाइडा। मेरामका हेल्‍लो वो लाम्‍दिमु चाप्‍स्‍तु़म मेबायावा।

थु़र्मा 28:4

मे देल्‍पामिमका पावलकु ल्‍वाड्‌डा ब्‍लो रिम्‍तासिट्‌पा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, “ओराम मु़चु़ ने मु़चु़ सेट्‌पा ङा दु़म्‍मु बासी। ओराम मु़चु़ दिरिदिनलामका ने सेल्‍सिड्‌डामा लुक्‍ता, लावो नो़पमाकु नियालामका ने सेल्‍सिमु मेचाप्‍सु़।”