यूहन्‍ना 8:6 - थुलुङ राई

⁶ येशूकु बुइडला मेजो़पा ल्‍वा उन्‍मु लागि हिलाहिसीलाम आम्‍मु मेर्मिमका आरे बेम्‍डिम बाइडा। लावो येशू कुम्‍सिम्‍डी, मा उनी ब्रेप्‍चोका क्‍वायु़ फुर्कुडा र्‍यामु चो़म्‍मिडी।

यूहन्‍ना 8:6 Referans Kwoze

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

मत्ती 19:3

कोले-नले फरिसीमिम उनी न छाम्‍मु लागि रोम्‍डी। मेर्मिमका हिलाबेम्‍डी, “हाम कोङनिम मु़चु़का कोङनिम ल्‍वाकु दुथाम उ मोचु़लाई डिन्‍मु डु़म्‍लाका ग्‍वाकु़?”

१ कोरिन्थी 10:9

मेर्मिम गोडा याङका बेम्‍डिम होङङा गुइ ङाचो़कु न छाम्‍सी मेनु़। मेर्मिमका ङाचो़कु न छाम्‍मिडिमा मेर्मिमलाई ब्‍लोका सेड्‌डु़मिम बाइडा।

मर्कूस 10:2

मेकोतिमा फरिसीमिम उनीमाडा रोम्‍डी, मा उनी न छाम्‍मुलाई आरेसाका हिलाहिसी बेम्‍डी, “मु़चु़का हाम त्‍वाकु नाइमेनुङ डिन्‍बोमु डु़म्‍लाका ग्‍वाक्‍सा?”

मर्कूस 8:11

फरिसीमिम येशूकाडा रोम्‍डिमा गुमीनुङ हिलाहिसी बोमु चो़म्‍मिडी, मा उनीमा न छाम्‍मु लागि पाह्रीलाममिम कोङ छेखोप रेम्‍बेट्‌किनी र्‍वाम्‍डी।

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

मत्ती 22:35

मेर्मिमगोडाम डु़म्‍ला छो़म थेट्‌पा कोलेका ओराम हिलाहिसीलामका येशूकु न छाम्‍मु माल्‍लु़,

मत्ती 22:18

लावो येशूका मेर्मिमकु मेजो़पा न चम्‍डिमा र्‍वाम्‍डी, “ए मिनी मिक्‍सीलामडा जो़पा लिसिक्‍पा मु़चु़नी, गानी हेङा वायम डमु माल्‍ङिनिमिम?

मत्ती 16:1

कोलेम फरिसीमिम नुङ सदुकीमिम येशूकाडा रोम्‍डिमा उनी न छाम्‍मु लागि माम्‍चु़नीलाममिम हेल्‍लो वो मेल्‍वाम्‍मा छेखोप रेम्‍बेला सो़म्‍सिम्‍डी।

मत्ती 15:23

लावो येशूका गुलाई हाम वो मेर्‍वाक्‍मिवा। उनी सीसिपामिमका आरे र्‍वाम्‍डिम र्‍वाम्‍डिमङा बेम्‍डी, “ओ मेसेमलाई थु़र्सोट्‌नी, हेङालोने ओरामका इकी चङचङ स्‍याका-स्‍याका र्‍वाहोम बु।”

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

यूहन्‍ना 8:2

उ दिकाम नेम सोसोका गुमी सो़रनेमडा लम्‍डी, खोत्‍ले मु़चु़ उनीमाडा खोम्‍सिम्‍डी। मेम्‍मा गुमी गन्‍मिडिमा मेर्मिमलाई सीमु चो़म्‍मिडी।

लूका 11:16

वाङमिमका ने मेजो़पा नका येशूकु न-छाम्‍मु माल्‍तो र्‍वाम्‍डी, “ओराम खारी माम्‍चु़नीकु यु़मलाम बेन्‍निम माला पाह्रीलाममिम हेल्‍लो वो मेल्‍वाम्‍मा कोले छेखोप रेम्‍बेनी।”

मर्कूस 12:15

गुकु कर सोमु बासी डे मेएँ?” येशूका मेर्मिमकु नगो चम्‍ल्‍याम्‍डिमका र्‍वाम्‍डी, “गानी हेङा आमा न छाम्‍निमिम? कोले दिनार आसि रेट्‌नी, मा गो रेपु।”

मर्कूस 3:2

येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।