यूहन्‍ना 8:54 - थुलुङ राई

⁵⁴ येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

यूहन्‍ना 8:54 Referans Kwoze

यूहन्‍ना 8:50

गो आमा त्‍वाकाम यु़म-झ्‍वाक्‍सी मेमालु, लावो यु़म-झ्‍वाक्‍सी माल्‍पा कोले बुमी, मा गुमी निया बेपा बुमी।

२ पत्रुस 1:17

गुमीलाई माम्‍चु़नी पापका डोक्‍पु मिम्‍मिडी मा उनी यु़म झ्‍वाबेट्‌मिडी। डोक्‍पु यु़म-झ्‍वाक्‍सीलामका उनीमा लो़लामका येशूलाई र्‍वाक्‍ता, “ओराम गो द्‌वाक्‍पुमिम आमा तारापाचो़, ओरामडाम गो छो़म गेर्सिक्‍पा बुङु।”

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

यूहन्‍ना 8:41

इनीमा त्‍वाकु पापका बु़डु़म खारी गानी वो बोनिम बुनी।” मेर्मिमका गुमीनुङ र्‍वाम्‍डी, “माम-पापका नाम्‍सु़रु़ बेसाका गुकु गक्‍तोकोम मेएँ। आकीमा कोलेङा पाप माम्‍चु़नीङा सो़।”

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

यूहन्‍ना 5:41

“गानी आमा नङ कोनिमिम गोलाई मेबासी।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।