यूहन्‍ना 8:52 - थुलुङ राई

⁵² यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

यूहन्‍ना 8:52 Referans Kwoze

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 8:48

यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

यूहन्‍ना 8:51

आच्‍छाङा गो गानीलाई र्‍वाङु, कोङनिम मु़चु़ आमा सिजेम होम्‍साका दोस्‍ता माला मेराम मु़चु़ हेल्‍लो वो मेसि।”

मत्ती 11:18

“मेम्‍साकाङा यूहन्‍ना रोक्‍ता, मा वाङमिम मु़चु़का होङङा मेपु़वा, अङ्‍गूरकु बिलाम मेडुङु़वा। मेम्‍मा मु़चु़मिमका ‘गुलाई मुनाङका हुप्‍डु़म बु’ र्‍वाम्‍डी।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 7:20

सेर्पा मु़चु़का र्‍वाम्‍डी, “गानालाई मुनाङका हुप्‍नाम बु। गानालाई सु़का सेन्‍मु माल्‍तोङा बु़?”

यूहन्‍ना 8:22

यहूदीमिमका र्‍वाबेम्‍डी, “ओरामका हाम उ त्‍वापङा सेन्‍सिमिम? गो बान्‍ते लङु, मेसिन्‍डा गानी रोमु मेचाम्‍नी र्‍वाक्‍साका मेम र्‍वाक्‍ताम मेएँ?”

यूहन्‍ना 8:55

गुमीलाई गानी मेछेनी लोवो गो छेपु। गो गुमीलाई मेछेपु र्‍वाङ्‌डो माला गानी होप्‍मामङा गो वो लिमाचो़ दु़म्‍ङु। लावो गो गुमीलाई छेपु, मा उनी सिजेम होम्‍साका दोङु।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 15:20

गो गानीलाई र्‍वाङडोम सिजेम मिम्‍नी, ‘डु़ल्‍चो़ नेमहपडाम डोक्‍पु मेदु़म।’ मेर्मिमका आमा ने थो़मतेर्मी माला इनीमा वो थो़मतेर्मी। मेर्मिमका आमा सीसि थो़मी माला इनीमा सीसि वो थो़मी।

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।