यूहन्‍ना 8:48 - थुलुङ राई

⁴⁸ यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

यूहन्‍ना 8:48 Referans Kwoze

यूहन्‍ना 7:20

सेर्पा मु़चु़का र्‍वाम्‍डी, “गानालाई मुनाङका हुप्‍नाम बु। गानालाई सु़का सेन्‍मु माल्‍तोङा बु़?”

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

यूहन्‍ना 10:20

मेर्मिमगोडाम हापाका आरे र्‍वाम्‍डी, “ओरामलाई मुनाङका हुप्‍डु़म बु, मा उ न मान्‍थिम दु़स्‍ताम बु। हेङा मेरामकु ल्‍वा थो़नी?”

यूहन्‍ना 4:9

मे सामरी मेसेमका र्‍वाक्‍ता, “गानी यहूदी मा गो सामरी मेसेम, हेसाका रे कु डुमु आमाडा बिनिमिम?” (सामरीमिमडाम यहूदीमिम वाङ बुम्‍थाल्‍मी।)

मत्ती 15:7

पाखालामका जो़पा लिसिक्‍पा ए मु़चु़नी, यशैयाका इनीमा दुथाम आरेसाका माम्‍चु़नीलाम जो़पाङा जेस्‍ताम रेछा:

मत्ती 12:24

लावो फरिसीमिमका ओराम ल्‍वा थो़म्‍डिमा र्‍वाम्‍डी, “ओराम मु़चु़का ने मुनाङमिमकु डोक्‍पु बालजिबुलकु यु़मका मुनाङ कोलु़।”

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।

मत्ती 10:5

येशूका मे को-न (१२) थु़र्मामिमलाई आरे बेम्‍डिमा थु़र्मिडी, “वाङसामामिमकाडा मेलक्‍नी, मा सामरीमिमकु शहरडा मेहुनी।

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

रोमी 15:3

हेङालोने ख्रीष्‍ट उनी त्‍वाका वो त्‍वापलाई गेर्सिट्‍पा खारी मेबेमिवा। माम्‍चु़नीकु सिजेमडा र्‍याक्‍मा बु, “गानीलाई डक्‍साका जेपामिमका गोलाई डक्‍साका जेम्‍डिम बु।”

यूहन्‍ना 13:13

गानी गोलाई ‘सीपा’ नुङ ‘ङाचो़’ र्‍वानी, गानी र्‍वानिमिम मेराम जो़पाङा, हेङालोने गो गुङा सो़।

हिब्रू 13:13

गुइ वो शहरलाम पाखा गुमीकाडा लक्‍सी, मा गुमीका इम्‍मिडिम दु़खा होम्‍साकाङा गुइ वो दु़खा इम्‍डी।

मत्ती 12:31

मेम्‍मिमका गो गानीलाई र्‍वाङु, मु़चु़मिमका माम्‍चु़नीलाई डक्‍साका जेमिमिम नुङ छु़ल बोमिमिम हेम्‍सी। लावो माम्‍चु़नी-पेललाई डक्‍साका जेमिमिम ल्‍वा हेल्‍लो वो मेहेम्‍सी।

मत्ती 11:18

“मेम्‍साकाङा यूहन्‍ना रोक्‍ता, मा वाङमिम मु़चु़का होङङा मेपु़वा, अङ्‍गूरकु बिलाम मेडुङु़वा। मेम्‍मा मु़चु़मिमका ‘गुलाई मुनाङका हुप्‍डु़म बु’ र्‍वाम्‍डी।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 8:22

यहूदीमिमका र्‍वाबेम्‍डी, “ओरामका हाम उ त्‍वापङा सेन्‍सिमिम? गो बान्‍ते लङु, मेसिन्‍डा गानी रोमु मेचाम्‍नी र्‍वाक्‍साका मेम र्‍वाक्‍ताम मेएँ?”